പി.എസ്.സി അഭിമുഖം

 പുരാവസ്തു വകുപ്പിൽ ലബോറട്ടറി അസിസ്റ്റന്റ് (കാറ്റഗറി നമ്പർ 527/2023) തസ്തികയിലേക്ക് 17,19 തീയതികളിൽ പി.എസ്.സി ആസ്ഥാന ഓഫീസിൽ അഭിമുഖം നടത്തും.18ന് നടക്കേണ്ടി​യി​രുന്ന അഭിമുഖമാണ് 19ലേക്ക് മാറ്റിയത്. കൂടുതൽ വിവരങ്ങൾക്ക് ജി.ആർ.4.ബി വിഭാഗവുമായി ബന്ധപ്പെടണം (0471 2546418).  കേരള ഹയർ സെക്കൻഡറി വിദ്യാഭ്യാസ വകുപ്പിൽ ഹയർ സെക്കൻഡറി സ്‌കൂൾ ടീച്ചർ (ജൂനിയർ) കൊമേഴ്സ് (കാറ്റഗറി നമ്പർ 127/2024) തസ്തികയുടെ രണ്ടാംഘട്ട അഭിമുഖം 18ന് പി.എസ്.സി ആസ്ഥാന ഓഫീസിൽ നടത്തും. കൂടുതൽ വിവരങ്ങൾക്ക് ജി.ആർ.5 വിഭാഗവുമായി ബന്ധപ്പെടണം (0471 2546439).

പ്രമാണപരിശോധന

പൊതുമരാമത്ത്/ജലസേചന വകുപ്പിൽ ഓവർസിയർ/ഡ്രാഫ്ട്സ്മാൻ ഗ്രേഡ് 2 (സിവിൽ) (കാറ്റഗറി നമ്പർ 08/2024) തസ്തികയുടെ സാധ്യതാപട്ടികയിലുൾപ്പെട്ടവർക്ക് 22ന് പി.എസ്.സി ആസ്ഥാന ഓഫീസിൽ പ്രമാണപരിശോധന നടത്തും.

ഒ.എം.ആർ പരീക്ഷ

 കേരള മിനറൽസ് ആൻഡ് മെറ്റൽസ് ലിമിറ്റഡിൽ (ടി.പി.യൂണിറ്റ്) ജൂനിയർ ടൈം കീപ്പർ (എൽ.സി./എ.ഐ.) (കാറ്റഗറി നമ്പർ 55/2025), ഹാൻഡി​ക്രാഫ്ട്സ് ഡെവലപ്‌മെന്റ് കോർപ്പറേഷൻ ഒഫ് കേരള ലിമിറ്റഡിൽ സെയിൽസ് അസിസ്റ്റന്റ് (കാറ്റഗറി നമ്പർ 62/2025) തസ്തികകളിലേക്ക് 29ന് രാവിലെ 7 മുതൽ 8.50 വരെ ഒ.എം.ആർ പരീക്ഷ നടത്തും.  കെമിക്കൽ എക്സാമിനേഴ്സ് ലബോറട്ടറിയിൽ സയന്റിഫിക് ഓഫീസർ (കാറ്റഗറി നമ്പർ 185/2025) തസ്തികയിലേക്ക് 30ന് രാവിലെ 7 മുതൽ 8.50 വരെ ഒ.എം.ആർ പരീക്ഷ നടത്തും. ഉദ്യോഗാർത്ഥികൾ അഡ്മിഷൻ ടിക്കറ്റ് പ്രൊഫൈലിൽ നിന്നും ഡൗൺലോഡ് ചെയ്‌തെടുക്കണം.