അയ്യപ്പച്ചി​ത്രം മേൽശാന്തിക്ക് നൽകി, അഭി​നവി​ന് ആഗ്രഹസാഫല്യം

ശബരിമല : മലപ്പുറം സ്വദേശിയായ അഭിനവ് ഇക്കുറി ശബരിമലയിലെത്തിയത് അയ്യപ്പസ്വാമിക്ക് സമർപ്പിക്കാനായി​ അക്രിലിക്ക് പെയിന്റിംഗി​ൽ വരച്ച അയ്യപ്പന്റെ ചിത്രവുമായാണ്. ക്യാൻവാസ് ഉൾപ്പടെ കൊണ്ടുവരുന്നത് ബുദ്ധിമുട്ടായതിനാൽ പൈപ്പിനുള്ളിലാക്കിയാണ് ചി​ത്രം കൊണ്ടുവന്നത്. എന്നാൽ നടപ്പന്തലിലെത്തിയ അഭിനവിന്റെ കൈയി​ൽനിന്ന് പൊലീസുകാർ പൈപ്പ് വാങ്ങി. ആഗ്രഹിച്ചു വരച്ചു കൊണ്ട് വന്ന ചിത്രം സന്നിധാനത്തേക്ക് കൊണ്ടുവരാൻ കഴിയാത്ത സങ്കടത്തിൽ നിറകണ്ണുകളുമായാണ് അഭിനവ് പടി ചവിട്ടിയത്. ശേഷം സന്നിധാനം എസ് എച്ച് ഒ യെ വിവരം ധരിപ്പിച്ചു. എസ് എച്ച് ഒയുടെ നിർദേശപ്രകാരം പൊലീസുകാർ ഈ ചിത്രം അഭിനവിനു തിരികെ നൽകി. അഭി​നവി​ന്റെ വി​ഷമം മനസി​ലാക്കി​യ കേരളകൗമുദി ജീവനക്കാർ ഇടപെട്ട് തന്ത്രി​യെ കാണാനായി​ അവസരം ഒരുക്കുകയായി​രുന്നു. മേൽശാന്തി പ്രസാദ് ഇ.ഡി യ്ക്ക് ചിത്രം കൈമാറി​. ഇന്റസ്റ്റഗ്രാമിൽ ധാരാളം ഫോളോവർസ് ഉള്ള സോഷ്യൽ മീഡിയ ഇൻഫ്ലുവൻസർ കൂടിയാണ് അഭിനവ്.