അഞ്ചൽ വൈ.എം.സി.എ ക്രിസ്മസ് ആഘോഷം

അഞ്ചൽ: അഞ്ചൽ വൈ.എം.സി.എ നേതൃത്വത്തിൽ അഞ്ചലിലെ വിവിധ ക്രൈസ്തവ ഇടവകകൾ സംഘടി​പ്പി​ച്ച ക്രിസ്മസ് ആഘോഷം സെന്റ് ജോൺസ് സ്​കൂളിൽ മാർത്തോമ്മ സഭയുടെ കൊട്ടാരക്കര​ പുനലൂർ ഭദ്രാസനാദ്ധ്യക്ഷൻ തോമസ് മാർ തിയത്തോസ് എപ്പിസ്‌​കോപ്പ ഉദ്ഘാടനം ചെയ്തു. വൈ.എം.സി.എ പ്രസിഡന്റ് ഫാ. ബോവസ് മാത്യു അദ്ധ്യക്ഷത വഹിച്ചു. തോമസ് ടി. വർഗ്ഗീസ് കോർ എപ്പിസ്‌​കോപ്പ, എബ്രഹാം തോമസ്, ബിബിൻ ബി.മാത്യു, വൈ.എം.സി.എ സെക്രട്ടറി അലക്‌​സാണ്ടർ മത്തായി, റിലീജിയസ് കമ്മിറ്റി കൺവീനർ ഡോ. കെ.വി. തോമസ്​കുട്ടി, പുനലൂർ സബ് റീജിയണൽ ചെയർമാൻ ഡോ. എബ്രഹാം മാത്യു എന്നിവർ സംസാരി​ച്ചു. അഞ്ചൽ സെന്റ് മേരീസ് മലങ്കര കത്തോലിക്കാ പള്ളി, അഞ്ചൽ സെന്റ് ജോർജ്ജ് ഓർത്തഡോക്‌​സ് വലിയപള്ളി, അഞ്ചൽ സെന്റ് പോൾസ് മാർത്തോമ്മാപള്ളി, ആലഞ്ചേരി സെന്റ് മേരീസ് ഓർത്തഡോക്‌​സ് പള്ളി, അഞ്ചൽ കണ്ണംകോട് ജെറുസലേം മാർത്തോമ്മാപള്ളി, സെന്റ് ജോൺസ് സ്​കൂൾ, സെന്റ് ജോസഫ്‌​സ് നഴ്‌​സിംഗ് കോളേജ് എന്നീ ഗായക സംഘങ്ങൾ കരോൾ ഗാനങ്ങൾ ആലപിച്ചു.