ശബരിമല സ്വർണക്കൊള്ളക്കേസ്: ഇ.ഡി കള്ളപ്പണം ഇടപാട് മാത്രമേ അന്വേഷിക്കാവൂയെന്ന് പ്രോസിക്യൂഷൻ

കൊല്ലം: ശബരിമല സ്വർണക്കൊള്ളയുമായി ബന്ധപ്പെട്ട കേസുകളുടെ എഫ്.ഐ.ആർ ഉൾപ്പടെയുള്ള രേഖകളുടെ സർട്ടിഫൈഡ് പകർപ്പ് ആവശ്യപ്പെട്ട് എൻഫോഴ്സ്മെന്റ് ഡയറക്ടറേറ്റ് (ഇ.ഡി) സമർപ്പിച്ച അപേക്ഷയിൽ കൊല്ലം വിജിലൻസ് കോടതി വെള്ളിയാഴ്ച വിധി പറയും.

വിവരങ്ങൾ കൈമാറാൻ തയ്യാറാണെന്നും എന്നാൽ, ഇ.ഡി ആവശ്യപ്പെടുന്നപോലെ കള്ളപ്പണം വെളിപ്പിക്കൽ നിരോധന നിയമത്തിന്റെ പരിധിയിൽ മാത്രമേ അന്വേഷണം തത്കാലം പാടുള്ളുവെന്നും പ്രോസിക്യൂഷൻ വാദിച്ചു. മറ്റുകാര്യങ്ങളിൽ സമാന്തര അന്വേഷണമുണ്ടായാൽ നിലവിലെ അന്വേഷണത്തെ ബാധിക്കുമെന്നും പ്രോസിക്യൂഷൻ കോടതിയിൽ അറിയിച്ചു. കുറ്റകൃത്യങ്ങളിലൂടെ ലഭിച്ച തുക സംബന്ധിച്ചുള്ള അന്വേഷണത്തിനാണ് പകർപ്പുകൾ ആവശ്യപ്പെടുന്നതെന്ന് ഇ.ഡിയുടെ അഭിഭാഷകൻ പറഞ്ഞു.

രേഖകൾ കൈമാറാൻ കോടതി അനുമതി നൽകിയാൽ ഇ.ഡി പ്രത്യേക കേസ് രജിസ്റ്റർ ചെയ്യും. ശബരിമല സ്വർണാപഹരണ കേസുകളിൽ കള്ളപ്പണം വെളുപ്പിക്കൽ നിരോധന നിയമത്തിന്റെ പരിധിയിൽ ഐ.പി.സി 467-ാം വകുപ്പ് ഉൾപ്പെടുത്തിയിട്ടുള്ളതു കൊണ്ടാണ് കേസിലെ വിവരങ്ങൾ ആരായുന്നതെന്നാണ് ഇ.ഡി പറയുന്നത്. അതിന് പുറമേ ദേവസ്വം ബോർഡ് മുൻ പ്രസിഡന്റുമാർ ഉൾപ്പടെയുള്ള പൊതുസേവകരാണ് കേസിൽ അറസ്റ്റിലായത്. കേസിന്റെ എഫ്.ഐ.ആറുകൾ, റിമാൻഡ് റിപ്പോർട്ടുകൾ, അറസ്റ്റിലായവരുടെയും മറ്റുള്ളവരുടെയും മൊഴികൾ, പിടിച്ചെടുത്ത രേഖകൾ തുടങ്ങിയവയുടെ പകർപ്പ് ആവശ്യപ്പെട്ടാണ് ഇ.ഡിയുടെ അപേക്ഷ. ഇ.ഡിക്ക് വേണ്ടി സ്പെഷ്യൽ പബ്ലിക് പ്രോസിക്യൂട്ടർ എം.ജെ.സന്തോഷും പ്രത്യേക അന്വേഷണ സംഘത്തിന് വേണ്ടി കൊല്ലം വിജിലൻസ് കോടതിയിലെ പബ്ലിക് പ്രോസിക്യൂട്ടർ സിജു രാജനും ഹാജരായി. എസ്. ശ്രീകുമാർ

റിമാൻഡിൽ ദ്വാരകപാല ശില്പങ്ങളിലെ സ്വർണപ്പാളി അപഹരിച്ച കേസിൽ അറസ്റ്റിലായ ശബരിമല മുൻ അഡ്മിനിസ്ട്രേഷൻ ഓഫീസർ എസ്.ശ്രീകുമാറിനെ കൊല്ലം വിജിലൻസ് കോടതി 31 വരെ റിമാൻഡ് ചെയ്തു. ശ്രീകുമാറിന്റെ ജാമ്യാപേക്ഷ കോടതി ഇന്ന് പരിഗണിച്ചേക്കും.

ദ്വാരകപാലക ശില്പത്തിലെ സ്വർണം കടത്തിയ കേസിലെ റിമാൻഡ് കാലാവധി അവസാനിക്കുന്ന പശ്ചാത്തലത്തിൽ ദേവസ്വം ബോർഡ് മുൻ പ്രസിഡന്റും എം.എൽ.എയുമായിരുന്ന എ.പത്മകുമാറിനെ ഇന്ന് കോടതിയിൽ ഹാജരാക്കും. ഈ കേസിൽ പത്മകുമാറിന്റെ ജാമ്യഹർജിയും ഇന്ന് പരിഗണിക്കും. കട്ടിളപ്പാളിയിലെ സ്വർണം അപഹരിച്ച കേസിലും ദ്വാരപാലക ശില്പങ്ങളിലെ സ്വർണം അപഹരിച്ച കേസിലും മുഖ്യപ്രതി ഉണ്ണിക്കൃഷ്ണൻ പോറ്റിയുടെ ജാമ്യാപേക്ഷകളും കൊല്ലം വിജിലൻസ് കോടതി ഇന്ന് പരിഗണിക്കും.

 തെ​ളി​വ് ന​ൽ​ക​ണ​മെ​ന്ന് ​ക​ട​കം​പ​ള്ളി കോ​ട​തി​യി​ൽ​ ​ന​ൽ​കു​മെ​ന്ന് ​സ​തീ​ശൻ

തി​രു​വ​ന​ന്ത​പു​രം​:​ ​ശ​ബ​രി​മ​ല​ ​സ്വ​ർ​ണ​ക്കൊ​ള്ള​യു​മാ​യി​ ​ബ​ന്ധ​പ്പെ​ട്ട് ​ത​നി​ക്കെ​തി​രെ​യു​ള്ള​ ​ആ​രോ​പ​ണ​ങ്ങ​ൾ​ക്ക് ​തെ​ളി​വ് ​ന​ൽ​കാ​ൻ​ ​പ്ര​തി​പ​ക്ഷ​ ​നേ​താ​വ് ​വി.​ഡി.​ ​സ​തീ​ശ​നെ​ ​വെ​ല്ലു​വി​ളി​ച്ച് ​മു​ൻ​ ​മ​ന്ത്രി​ ​ക​ട​കം​പ​ള്ളി​ ​സു​രേ​ന്ദ്ര​ൻ.​ ​വെ​ല്ലു​വി​ളി​ ​ഏ​റ്റെ​ടു​ക്കു​ക​യാ​ണെ​ന്നും​ ​തെ​ളി​വു​ക​ൾ​ ​കോ​ട​തി​യി​ൽ​ ​ഹാ​ജ​രാ​ക്കു​മെ​ന്നും​ ​വി.​ഡി​ ​സ​തീ​ശ​ൻ.

ഫേ​സ് ​ബു​ക്ക് ​പോ​സ്റ്റി​ലൂ​ടെ​യാ​ണ് ​ക​ട​കം​പ​ള്ളി​യു​ടെ​ ​വെ​ല്ലു​വി​ളി.​ ​സ്വ​ർ​ണ​പ്പാ​ളി​ ​പു​റ​ത്തു​കൊ​ണ്ടു​ ​വ​ന്ന് ​വി​റ്റെ​ന്നും​ ​അ​തി​ന് ​ഒ​ത്താ​ശ​ ​ചെ​യ്ത​ത് ​ക​ട​കം​പ​ള്ളി​ ​സു​രേ​ന്ദ്ര​നാ​ണെ​ന്നും​ ​സ​തീ​ശ​ൻ​ ​ആ​രോ​പി​ച്ചി​രു​ന്നു.​ ​പ്ര​തി​പ​ക്ഷ​ ​നേ​താ​വ് ​ആ​രോ​പ​ണം​ ​പി​ൻ​വ​ലി​ച്ച് ​മാ​പ്പ് ​പ​റ​യ​ണ​മെ​ന്നും​ ​ന​ഷ്ട​പ​രി​ഹാ​രം​ ​ന​ൽ​ക​ണ​മെ​ന്നും​ ​ആ​വ​ശ്യ​പ്പെ​ട്ട് ​തി​രു​വ​ന​ന്ത​പു​രം​ ​സ​ബ് ​കോ​ട​തി​യി​ൽ​ ​ക​ട​കം​പ​ള്ളി​ ​ഹ​ർ​ജി​ ​ന​ൽ​കി​യി​രു​ന്നു.

ക​ട​കം​പ​ള്ളി​ക്കെ​തി​രെ​ ​പ​റ​ഞ്ഞ​തി​ൽ​ ​ഇ​പ്പോ​ഴും​ ​ഉ​റ​ച്ചു​നി​ൽ​ക്കു​ക​യാ​ണെ​ന്ന് ​സ​തീ​ശ​ൻ​ ​പ​റ​ഞ്ഞു.​ ​ദ്വാ​ര​പാ​ല​ക​ ​ശി​ല്പം​ ​ആ​ർ​ക്കാ​ണ് ​കൊ​ടു​ത്ത​തെ​ന്ന് ​വ്യ​ക്ത​മാ​ക്ക​ണ​മെ​ന്നാ​ണ് ​ആ​വ​ശ്യ​പ്പെ​ട്ട​ത്.​ ​സി.​പി.​എം​ ​നി​യ​മി​ച്ച​വ​ർ​ ​ചെ​യ്യു​ന്ന​ത് ​മ​ന്ത്രി​ക്ക് ​അ​റി​യി​ല്ലെ​ന്ന് ​പ​റ​ഞ്ഞാ​ൽ​ ​വി​ശ്വ​സി​ക്കാ​ൻ​ ​ക​ഴി​യി​ല്ല.​ ​ര​ണ്ടു​ ​കോ​ടി​യു​ടെ​ ​മാ​ന​ന​ഷ്ട​ക്കേ​സ് ​നോ​ട്ടീ​സ് ​അ​യ​ച്ചി​ട്ട് ​കേ​സ് ​കൊ​ടു​ത്ത​പ്പോ​ൾ​ ​പ​ത്തു​ ​ല​ക്ഷ​മാ​യെ​ന്നും​ ​സ​തീ​ശ​ൻ​ ​പ​റ​ഞ്ഞു.