തെരുവുനായ പ്രശ്നം: സന്നദ്ധ സേവകരെ തേടി സർക്കാർ

കൊച്ചി​: തെരുവുനായ പ്രശ്നം നിയന്ത്രിക്കാൻ വ്യക്തികളും സംഘടനകളുമായി ചേർന്ന് ജില്ലാ മൃഗസംരക്ഷണ വകുപ്പിന്റെ പദ്ധതി. സന്നദ്ധസേവനത്തിനായി വകുപ്പ് തിങ്കളാഴ്ച ആലുവയിൽ വിപുലമായ യോഗം സംഘടിപ്പിക്കും. ഷെൽട്ടർ നിർമ്മാണം, നായ പരിപാലനം, എ.ബി​.സി​ ജനന നിയന്ത്രണ പദ്ധതി എന്നിവയിലാണ് സഹകരണം തേടുന്നത്.

യോഗത്തിൽ വ്യക്തികൾക്കും സന്നദ്ധസംഘടനകൾക്കും പങ്കെടുക്കാം.

തിങ്കളാഴ്ച 3ന് പവർഹൗസ് ജംഗ്ഷനിലെ എൽ.എം.ടി.സിയിലാണ് യോഗം. ജില്ലാ മൃഗസംരക്ഷണ ഓഫീസർ ഡോ.ജി.സജികുമാർ, വകുപ്പ് ഡെപ്യൂട്ടി ഡയറക്ടർ ഡോ. ലിസി സക്കറിയ തുടങ്ങിയവർ പങ്കെടുക്കും. വിവരങ്ങൾക്ക്: 9847097265.