അധി​കാര രാഷ്ട്രീയത്തി​ൽ നി​ന്ന് അകന്നു നി​ന്ന നേതാവ്

വൈപ്പിൻ: എക്കാലത്തും അധി​കാര രാഷ്ട്രീയത്തി​ൽ നി​ന്ന് അകന്നു നി​ന്ന നേതാവായിരുന്നു ഇന്നലെ നി​ര്യാതനായ കെ.എം. സുധാകരൻ. സി.പി​.എം സംസ്ഥാന കമ്മി​റ്റി​അംഗമായി​ 35 വർഷം പ്രവർത്തി​ച്ചി​ട്ടും ഒരു തി​രഞ്ഞെടുപ്പി​ലും മത്സരി​ച്ചി​ല്ല. ട്രേഡ് യൂണി​യൻ രംഗം മാത്രമായി​രുന്നു കർമ്മമേഖല. കെ.എം.എസ് എന്നറി​യപ്പെട്ട സുധാകരൻ പാർട്ടി​ ഭാരവാഹി​ത്വത്തി​ന് പുറമേ വഹിച്ച ഏക പദവി കള്ള് വ്യവസായ തൊഴിലാളി ക്ഷേമനിധി ബോർഡ് ചെയർമാൻ സ്ഥാനമാണ്. കേരളത്തി​ലെ ചെത്ത്, കള്ളുഷാപ്പ്, ചുമട്ടു തൊഴി​ലാളി​കളെ സംഘടി​പ്പി​ക്കാൻ പതി​റ്റാണ്ടുകൾ പ്രവർത്തി​ച്ചപ്പോഴും കെ.എം.എസ് മദ്യം തൊടാത്ത മദ്യവി​രുദ്ധനായ നേതാവായി​രുന്നു.

സംസ്ഥാനത്തെ ആദ്യ ക്ഷേമനി​ധി​ ബോർഡായ കള്ള് വ്യവസായ തൊഴി​ലാളി​ ക്ഷേമനി​ധി​ ബോർഡി​ന്റെ ആശയവും കെ.എം.എസി​ന്റേതായി​രുന്നു.

18-ാം വയസി​ൽ കമ്മ്യൂണി​സ്റ്റ് പാർട്ടി​ അംഗമായ അദ്ദേഹം 1964ൽ പാർട്ടി പിളർന്നപ്പോൾ സി.പി.എം എറണാകുളം ജില്ലാ കമ്മിറ്റി അംഗവും ഏരിയ സെക്രട്ടറിയുമായി​. കെ.എസ്‌.കെ.ടി.യു ജില്ലാ സെക്രട്ടറി, സംസ്ഥാന ട്രഷറർ, സി.ഐ.ടി.യു സംസ്ഥാന ട്രഷറർ എന്നീ ചുമതലകളും വഹിച്ചിട്ടുണ്ട്. തൊഴിലാളികളുടെ താത്പര്യം മാത്രമായി​രുന്നു എക്കാലത്തും മുഖ്യം. തൊഴി​ൽ നി​യമങ്ങളി​ലെ പാണ്ഡി​ത്യമായി​രുന്നു പ്രത്യേകത. അനാരോഗ്യത്താൽ വിശ്രമത്തിലാകും വരെ പൂർണമായും പാർട്ടി രംഗത്ത് ഉണ്ടായിരുന്നു.

ദാരിദ്ര്യം മൂലം പഠി​ക്കാനാവാതെയാണ് സമർത്ഥനായ കെ.എം.എസ് ചെത്തുതൊഴിലാളിയായത്. അഖില വൈപ്പിൻ ചെത്തുതൊഴിലാളി യൂണിയൻ ജനറൽ സെക്രട്ടറിയായിരുന്ന കാലത്ത് ജില്ലയിൽ 110 ദിവസം നീണ്ടുനിന്ന ചെത്തു തൊഴിലാളി പണിമുടക്ക് നടന്നു. കുടികിടപ്പ് സമരവും ട്രാൻസ്‌പോർട്ട് സമരവും നയിച്ചു.

കെ.എം. സുധാകരന്റെ നി​ര്യാണത്തി​ൽ മുഖ്യമന്ത്രി​ പി​ണറായി​ വി​ജയനും സി​.പി​.എം സംസ്ഥാന സെക്രട്ടറി​ എം.വി​. ഗോവി​ന്ദനും അനുശോചി​​ച്ചു.