എസ്.പി.സി അലൂമ്നി മീറ്റ്
കൊല്ലം: കൊല്ലം സിറ്റി പൊലീസിന്റെ ആഭിമുഖ്യത്തിൽ സോഷ്യൽ പൊലീസിംഗിന്റെ ഭാഗമായ 'ഹോപ്പ്- എസ്.പി.സി അലൂമ്നി കുട്ടികളുടെ ജോയിന്റ് മീറ്റ് 2025 കൊല്ലം സിറ്റി പൊലീസ് കമ്മിഷണർ കിരൺ നാരായണൻ ഉദ്ഘാടനം ചെയ്തു. കൊല്ലം സിറ്റി അഡീഷണൽ സൂപ്രണ്ട് ഒഫ് പൊലീസ് എ. പ്രദീപ്കുമാർ അദ്ധ്യക്ഷത വഹിച്ചു. സൈക്കോളജിസ്റ്റ് ജയശ്രീയുടെ നേതൃത്വത്തിൽ ഐസ് ബ്രേക്കിംഗ് സെഷൻ നടന്നു. സോഷ്യൽ പൊലീസിംഗ് പദ്ധതികളെക്കുറിച്ച് സൈക്കോളജിസ്റ്റ് കാർട്ടൺ ഫെർണാണ്ടസ് സംസാരിച്ചു. കേരള ഫയർ ആൻഡ് റെസ്ക്യൂ സീനിയർ ഓഫീസർ ബിനോയ് മാത്യുവിന്റെ നേതൃത്വത്തിൽ സിവിൽ ഡിഫൻസിലും ഡെസ്റ്റ് മോണ, നിമ്മി,മാത്യു എന്നിവരുടെ നേതൃത്വത്തിൽ കരിയർ ഗൈഡൻസ് ക്ലാസുകളും നടന്നു. കൺട്രോൾ റൂം സി.ഐ ആർ. രതീഷ് , കൊല്ലം എ.സി.പി ഷെരീഫ്, സൈക്കോളജിസ്റ്റുമാരായ കാൾട്ടൺ ഫെർണാണ്ടസ്,സുവിദ്യ, ഹോപ്പ് കോ ഓർഡിനേറ്റർ കെ.എസ്. ബിനു, എസ്.പി.സി കോ ഓർഡിനേറ്റർ ഷഹീർ എന്നിവർ സംസാരിച്ചു.