കെ.പി.സി.സി ദ്വിദിന ക്യാമ്പിന് ഇന്ന് തുടക്കം

തിരുവനന്തപുരം: കെ.പി.സി.സിയുടെ ലക്ഷ്യ ലീഡർഷിപ്പ് സമ്മിറ്റ് ദ്വിദിന ക്യാമ്പ് ഇന്നും നാളെയും വയനാട് സുൽത്താൻ ബത്തേരി സപ്ത കൺവെൻഷൻ സെന്ററിൽ നടക്കുമെന്ന് കെ.പി.സി.സി സംഘടനാ ചുമതലയുള്ള ജനറൽ സെക്രട്ടറി നെയ്യാറ്റിൻകര സനൽ. രാവിലെ 9.30ന് പതാക ഉയർത്തിയ ശേഷം ഉദ്ഘാടന സമ്മേളനത്തോടെ ക്യാമ്പിന് തുടക്കമാകും. കെ.പി.സി.സി പ്രസിഡന്റ് സണ്ണി ജോസഫ് എം.എൽ.എയുടെ അദ്ധ്യക്ഷതയിലുള്ള സമ്മേളനം എ.ഐ.സി.സി ജനറൽ സെക്രട്ടറി കെ.സി വേണുഗോപാൽ എം.പി ഉദ്ഘാടനം ചെയ്യും. പ്രതിപക്ഷ നേതാവ് വി.ഡി സതീശൻ,എ.ഐ.സി.സി ജനറൽ സെക്രട്ടറി ദീപാദാസ് മുൻഷി,കോൺഗ്രസ് പ്രവർത്തക സമിതി അഗംങ്ങൾ,മുൻ കെ.പി.സി.സി പ്രസിഡന്റുമാർ തുടങ്ങിയവർ നേതൃത്വം നൽകും. നാളെ വൈകിട്ട് മൂന്നിന് സമാപിക്കും.