കാറുകൾ കൂട്ടിയിടിച്ച് വീട്ടമ്മയ്‌ക്ക് ദാരുണാന്ത്യം

കേച്ചേരി: തൃശൂരിലെ ചിറനെല്ലൂരിൽ കാറുകൾ കൂട്ടിയിടിച്ചുണ്ടായ അപകടത്തിൽ വീട്ടമ്മയ്‌ക്ക് ദാരുണാന്ത്യം. കണ്ണൂർ, ഇരിട്ടി ഉളിക്കൽ സ്വദേശി പുതുമനമുഴിയിൽ റോബർട്ടിന്റെ ഭാര്യ ഡെന്നിയാണ് (54) മരിച്ചത്. മൂന്നുപേർക്ക് പരിക്കേറ്റു.

ഡെന്നിയുടെ മകൻ ജെസ്വിൻ (22), പുതുമനമുഴിയിൽ സക്കറിയയുടെ ഭാര്യ ഗ്രെയ്‌സി (57), ഹൈദരാബാദ് സ്വദേശി നാർവ കൃഷ്ണ (48) എന്നിവർക്കാണ് പരിക്കേറ്റത്. ഇവർ തൃശൂരിലെ സ്വകാര്യ ആശുപത്രിയിൽ ചികിത്സയിലാണ്. ഇന്നലെ രാവിലെ 6.45ന് ചിറനെല്ലൂർ കൂമ്പുഴ പാലത്തിന് സമീപമായിരുന്നു അപകടം.

തൃശൂരിലേക്ക് പോകുകയായിരുന്ന അയ്യപ്പഭക്തർ സഞ്ചരിച്ചിരുന്ന ഇന്നോവ കാറും എതിർദിശയിൽ നിന്ന് ഇരിട്ടിയിലേക്ക് പോകുകയായിരുന്ന കാറുമാണ് കൂട്ടിയിടിച്ചത്.