വില അഞ്ചര ലക്ഷം മുതല്, ജനപ്രിയ മോഡലിന്റെ പുത്തന് പതിപ്പുമായി ടാറ്റ
വിപണിയില് നാളെയെത്തും
കൊച്ചി: ഉപഭോക്താക്കളുടെ മനം കീഴടക്കാന് പുത്തന്ലുക്കില് ടാറ്റ പഞ്ച് നാളെ വിപണിയിലെത്തും. ഇന്റീരിയര് എക്സ്റ്റീരിയര് മാറ്റങ്ങളോടൊപ്പം പഞ്ച് ഇ.വിക്ക് സമാനമായ ഫീച്ചറുകളും ഡിസൈന് സവിശേഷതളുമായിട്ടാണ് പുതിയ മോഡലെത്തുന്നത്. ടര്ബോ പെട്രോള് എഞ്ചിന് മോഡലിലെ ഫീച്ചറുകളോടെ മൈക്രോ എക്സ്.യു.വി സെഗ്മെന്റിലെ ഏറ്റവും മികച്ച മോഡലാണിത്. പഞ്ച് ഇ.വിക്ക് സമാനമായ എല്.ഇ.ഡി ഡി.ആര്.എല്ലുകളും രൂപമാറ്റം വരുത്തിയ ഗ്രില്ലും പഞ്ച് ഫേസ്ലിഫ്റ്റിന് പുത്തന് ലുക്ക് തന്നെ നല്കുന്നു. ബമ്പറിന്റെ രൂപകല്പനയും പുതിയ അലോയ് വീലുകളും ഫേസ്ലിഫ്റ്റിന്റെ പ്രത്യേകതയാണ്.
10.25 ഇഞ്ച് വലിപ്പമുള്ള ടച്ച് സ്ക്രീന് ഇന്ഫോടെയ്ന്മെന്റ് സിസ്റ്റമാണ് പ്രധാന ആകര്ഷണം. ഡിജിറ്റല് ഇന്സ്ട്രുമെന്റ് ക്ളസ്റ്ററും പുതിയ സ്റ്റിയറിംഗ് വീലും അധിക അനുഭവമാണ്. ടോപ്പ് വേരിയന്റിലെ ടച്ച് ആന്ഡ് ടോഗിള് ക്ളൈമറ്റ് കണ്ട്രോള് പാനല് ഗംഭീരമാണ്. 1.2 ലിറ്റര് ത്രീ സിലിണ്ട്ര് നാച്ചുറലി ആസ്പയേര്ഡ് പെട്രോള്, സി.എന്.ജി എഞ്ചിന് ഓപ്ഷനുകള് തുടരുന്നതോടൊപ്പം നെക്സണിലെ 1.2 ലിറ്റര് 3 സിലിണ്ടര് ടര്ബോ പെട്രോള് എഞ്ചിനും പുതിയ പഞ്ചിനുണ്ട്. മാനുവല്, എ.എം.ടി ഓട്ടോമാറ്റിക് ട്രാന്സ്മിഷന് ഓപ്ഷനുകളും പഞ്ചിലുണ്ടാകും. പഞ്ച് പെട്രോള് വേരിയന്റിന് 21 കിലോമീറ്ററും സി.എന്.ജി വേരിയന്റിന് 27 കിലോമീറ്റര് മൈലേജും അവകാശപ്പെടുന്നു. പുതിയ പഞ്ചിലെ കൂടുതല് ഫീച്ചറുകള് യുവാക്കളെ ആകര്ഷിക്കുമെന്ന് കമ്പനി പറയുന്നു.
വില - 5.50 ലക്ഷം മുതല് 9.30 ലക്ഷം രൂപ വരെയാണ് പഞ്ചിന്റെ എക്സ്ഷോറൂം വില.
സുരക്ഷയില് മുന് നിരയില്
ഗ്ളോബല് എന്.സി.എ.പി ക്രാഷ് ടെസ്റ്റില് 5 സ്റ്റാര് റേറ്റിംഗ് നേടിയിട്ടുണ്ട്
360 ഡിഗ്രി ക്യാമറ
ആറ് എയര്ബാഗുകള് സ്റ്റാന്ഡേര്ഡായി നല്കും
ഇലക്ട്രോണിക് സ്റ്റെബിലിറ്റി പ്രോഗ്രാം, ഹില് ഹോള്ഡ് അസിസ്റ്റ് എന്നിവ സുരക്ഷ വര്ദ്ധിപ്പിക്കുന്നു
കളറുകള്
യാന്റാഫിക്, കാരമല്, ബംഗാള് റൂഷ്, ഡേറ്റോണ ഗ്രേ, കൂര്ഗ് ക്ളൗഡ്സ്, പ്രിസ്റ്റൈന് വൈറ്റ് എന്നീ നിറങ്ങളില് ലഭ്യമാകും.