ക്ഷീരസംഗമ പാട്ടുവണ്ടി

കൊല്ലം: സംസ്ഥാന ക്ഷീരസംഗമത്തിന്റെ വിളംബരവുമായി എത്തുന്ന പാട്ടുവണ്ടി മന്ത്രി ജെ.ചിഞ്ചുറാണി ഫ്‌ളാഗ് ഓഫ് ചെയ്തു. 18 മുതൽ 21 വരെ ആശ്രാമം മൈതാനത്ത് നടക്കുന്ന സംസ്ഥാന ക്ഷീരസംഗമം 'പടവ് 2026' ന്റെ പ്രചരണാർഥമാണ് പര്യടനം. ക്ഷീരവികസനവകുപ്പ് ഉദ്യോഗസ്ഥരുടെ നേതൃത്വത്തിൽ ലഹരിക്കെതിരെ ബോധവത്കരണമുയർത്തിയുള്ള ഫ്‌ളാഷ് മോബും സംഘടിപ്പിച്ചു. പാട്ടുവണ്ടിയുടെ ഭാഗമായി സനു കുണ്ടറ നയിക്കുന്ന നാടൻ പാട്ടുകളുമുണ്ടായിരുന്നു. അഞ്ചാംലൂമൂട് സ്വകാര്യ ബസ് സ്റ്റാൻഡ്, ചവറ തെക്കുംഭാഗം ക്ഷീരസംഘം, ചവറ സിവിൽ സ്റ്റേഷൻ, കരുനാഗപ്പള്ളി മുനിസിപ്പാലിറ്റി, തൊടിയൂർ ക്ഷീരസംഘം എന്നിണ്ണവിടങ്ങളിലാണ് വണ്ടിയെത്തിയത്. ക്ഷീരവികസന വകുപ്പ് ഡയറക്ടർ ശാലിനി ഗോപിനാഥ്, ജോയിന്റ് ഡയറക്ടർമാരായ സിനില ഉണ്ണിക്കൃഷ്ണൻ, ബോബി പീറ്റർ, ഡെപ്യൂട്ടി ഡയറക്ടർമാരായ വർക്കി ജോർജ്ജ്, സുരേഖ നായർ, അസിസ്റ്റന്റ് ഡയറക്ടർ എ. അനീഷ തുടങ്ങിയവർ പങ്കെടുത്തു