ബൈസൺവാലിയിൽ വിനോദസഞ്ചാരികളെത്തിയ മിനിവാൻ മറിഞ്ഞു, രണ്ടുപേരുടെ നില ഗുരുതരം

ഇടുക്കി: ബൈസൺവാലിയിൽ തമിഴ്നാട്ടിൽ നിന്നെത്തിയ വിനോദസഞ്ചാരികളുടെ മിനി വാൻ അപകടത്തിൽപ്പെട്ടു. 13 പേരാണ് വാഹനത്തിലുണ്ടായിരുന്നത്. ഇതിൽ ട്രിച്ചി സ്വദേശികളായ ശക്തി, ജാഫർ എന്നിവരുടെ നില ഗുരുതരമാണ്. പരിക്കേ​റ്റവരെ തേനി മെഡിക്കൽ കോളേജിൽ പ്രവേശിപ്പിച്ചിരിക്കുകയാണ്. ഇവർ മൂന്നാർ സന്ദർശനത്തിനെത്തിയതെന്നാണ് വിവരം. വാഹനത്തിന്റെ നിയന്ത്രണം വിട്ട് മറിയുകയായിരുന്നു.