ലെൻസ്ഫെഡ് സ്ഥാപക ദിനാഘോഷം
കൊല്ലം: എൻജിനിയർമാരുടെയും സൂപ്പർവൈസർമാരുടെയും സംഘടനയായ ലൈസൻസ്ഡ് എൻജിനിയേഴ്സ് ആൻഡ് സൂപ്പർവൈസേഴ്സ് ഫെഡറേഷൻ (ലെൻസ്ഫെഡ്) ജില്ലാ കമ്മിറ്റിയുടെ നേതൃത്വത്തിൽ സ്ഥാപക ദിനം ആഘോഷിച്ചു.
സ്ഥാപക ദിനാചരണത്തിന്റെ ഭാഗമായി നഗരത്തിൽ ബൈക്ക് റാലി സംഘടിപ്പിച്ചു. ജില്ലയിലെ 250 എൻജിനിയർമാർ റാലിയിൽ പങ്കെടുത്തു. കൊല്ലം ലാൽ ബഹാദൂർ ശാസ്ത്രി സ്റ്റേഡിയത്തിനു മുൻവശത്തു നിന്ന് ആരംഭിച്ച റാലിയുടെ ഫ്ളാഗ് ഓഫ് കർമം ലെൻസ്ഫെഡ് ജില്ലാ പ്രസിഡന്റ് ജോൺ ലൂയിസ് നിർവഹിച്ചു. പിന്നീട് കടപ്പാക്കട സ്പോർട്സ് ക്ലബ്ബിൽ നടന്ന പൊതു സമ്മേളനം കൊല്ലം കോർപറേഷൻ വികസനകാര്യ സ്റ്റാന്റിങ് കമ്മിറ്റി ചെയർമാൻ അഡ്വ. എം എസ് ഗോപകുമാർ ഉദ്ഘാടനം ചെയ്തു. ലെൻസ്ഫെഡ് ജില്ലാ പ്രസിഡന്റ് ജോൺ ലൂയിസ് അധ്യക്ഷത വഹിച്ചു. ലെൻസ്ഫെഡ് സംസ്ഥാന ട്രഷറർ ഗിരീഷ് കുമാർ ടി മുഖ്യപ്രഭാഷണം നടത്തി. ജില്ലാ സെക്രട്ടറി ശിവകുമാർ ബിഎസ്, ട്രഷറർ വി ബിനുലാൽ, സംസ്ഥാന കമ്മിറ്റി അംഗങ്ങളായ ശിവപ്രസാദ് ആർ, മനു മോഹൻ, ചാർളി ജോൺ, വിപിനൻ കെ നായർ എന്നിവർ പ്രസംഗിച്ചു.