കളക്ടറേറ്റിൽ വീണ്ടും ബോംബ് ഭീഷണി

പത്തനംതിട്ട: കളക്ടറേറ്റിൽ വീണ്ടും ബോംബ് ഭീഷണി. ഇത് മൂന്നാം തവണയാണ് വ്യാജ ഭീഷണി ഇ- മെയിലായി ലഭിച്ചത്. ഇന്നലെ വൈകിട്ട് നാലോടെ കളക്ടറുടെ മെയിലിലേക്കാണ് ഭീഷണി സന്ദേശമെത്തിയത്. ഉക്രൈൻ ഭാഷയിലായിരുന്നു സന്ദേശത്തിലെ വാചകങ്ങൾ. പരിഭാഷപ്പെടുത്തിയപ്പോഴാണ് ബോംബ് ഭീഷണിയാണെന്ന് വ്യക്തമായത്. പകർപ്പ് ഉൾപ്പടെ എസ്.പി ഓഫീസിൽ പരാതിപ്പെട്ടതിനെ തുടർന്ന് ബോംബ് സ്ക്വാഡും ഡോഗ് സ്ക്വാഡും സ്ഥലത്തെത്തി. ജീവനക്കാരെ ഒഴിപ്പിച്ച ശേഷം ഓഫീസ് മുറികളിൽ വ്യാപക പരിശോധന നടത്തി.