മന്ത്രിയുടെ അകമ്പടി വാഹനം അപകടത്തിൽപ്പെട്ടു

അടൂർ: വിദ്യാഭ്യാസ മന്ത്രി വി.ശിവൻകുട്ടിയുടെ അകമ്പടി വാഹനം അടൂരിൽ അപകടത്തിൽപ്പെട്ടു. നെല്ലിമുകളിൽ ഇന്നലെ വൈകിട്ടായിരുന്നു അപകടം. മന്ത്രിയുടെ അസി. പ്രൈവറ്റ് സെക്രട്ടറി രാജീവ്, അസിസ്റ്റന്റ് അഖിലേഷ്, ഡ്രൈവർ അനുരാജ് എന്നിവർ സഞ്ചരിച്ച കാറിലേയ്ക്ക് ഗുഡ്സ് ഓട്ടോ ഇടിക്കുകയായിരുന്നു. അകമ്പടി വാഹനം മ​റ്റൊരു കാറിലും ഇടിച്ചു. പരിക്കേറ്റവരെ പൊലീസ് ആശുപത്രിയിൽ എത്തിച്ചു. ആരുടെയും പരിക്ക് ഗുരുതരമല്ല. കൊല്ലത്തെ പരിപാടിക്ക് ശേഷം പെരിങ്ങനാട്ടേക്ക് പോവുകയായിരുന്നു മന്ത്രി.