പൊതുമേഖലാ കൺവെൻഷൻ
കോഴിക്കോട്: ലേബർ കോഡുകൾ പിൻവലിക്കണമെന്നതടക്കമുള്ള ആവശ്യങ്ങളുയർത്തി 12ന് നടക്കുന്ന രാജ്യവ്യാപക പണിമുടക്ക് വൻ വിജയമാക്കാൻ എല്ലാവിഭാഗം തൊഴിലാളികളും അണിനിരക്കണമെന്ന് എ.ഐ.ടി.യു.സി സംസ്ഥാന ജനറൽ സെക്രട്ടറി കെ.പി രാജേന്ദ്രൻ ആവശ്യപ്പെട്ടു. എ.ഐ.ടി.യു.സി സംസ്ഥാനതല പൊതുമേഖലാ കൺവെൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.കോഴിക്കോട് ഇൻഡോർ സ്റ്റേഡിയം ഹാളിൽ എ.ഐ.ടി.യു.സി സംസ്ഥാന വൈസ് പ്രസിഡന്റ് വിജയൻ കുനിശേരി അദ്ധ്യക്ഷത വഹിച്ചു. പി.കെ നാസർ, എം.എം ഷിറാസ്, എം.എം ജോർജ്ജ്, അഡ്വ. വി.മോഹൻദാസ്, അഡ്വ. എസ്.സുനിൽ എന്നിവർ പ്രസംഗിച്ചു.