കേരളകൗമുദി 114- ാമത് വാർഷികാഘോഷ സമാപനം

 മുഖ്യമന്ത്രി ഉദ്‌ഘാടനം ചെയ്യും

തിരുവനന്തപുരം : കേരളകൗമുദിയുടെ 114-ാ മത് വാർഷികാഘോഷങ്ങളുടെ സമാപനം മുഖ്യമന്ത്രി പിണറായി വിജയൻ ഉദ്‌ഘാടനം ചെയ്യും. 4 ന് വൈകിട്ട് 7ന് മാസ്‌കോട്ട് ഹോട്ടലിൽ നടക്കുന്ന സമ്മേളനത്തിൽ കേരളകൗമുദി ചീഫ് എഡിറ്റർ ദീപു രവി അദ്ധ്യക്ഷനാകും. മന്ത്രിമാരായ കെ.എൻ. ബാലഗോപാൽ, പി.രാജീവ്, വി.ശിവൻകുട്ടി, മുൻപ്രതിപക്ഷ നേതാവ് രമേശ് ചെന്നിത്തല, മുൻ കേന്ദ്ര സഹമന്ത്രി വി.മുരളീധരൻ എന്നിവർ പങ്കെടുക്കും.

മുഖ്യമന്ത്രിക്കും മന്ത്രിമാർക്കുമുള്ള കേരളകൗമുദിയുടെ സ്നേഹോപഹാരം ദീപുരവി സമ്മാനിക്കും. വിശിഷ്ട വ്യക്തികൾക്കുള്ള ഉപഹാരം മന്ത്രിമാർ നൽകും. കേരളകൗമുദി അസോസിയേറ്റ് എഡിറ്റർ വി.എസ്.രാജേഷ് സ്വാഗതവും ചീഫ് മാനേജർ എസ്. വിമൽകുമാർ നന്ദിയും പറയും.