തൃപ്രയാറിൽ ആനയിടഞ്ഞു; മതിലുകളും വാഹനങ്ങളും തകർത്തു

തൃശൂർ: തൃപ്രയാർ കിഴക്കേനട രാജവീഥിയിൽ ആനയിടഞ്ഞു. ദേവീനന്ദൻ എന്ന ആനയാണ് ഇടഞ്ഞത്. മണിക്കൂറുകൾ നീണ്ട ശ്രമത്തിന് ശേഷമാണ് ആനയെ തളച്ചത്.ഇന്ന് പുലർച്ചെ നാലുമണിയോടെയായിരുന്നു സംഭവം. റോഡരികിലുള്ള വാഹനങ്ങൾ, മതിൽ, തെങ്ങുകൾ എന്നിവ ആന തകർത്തു. പാപ്പന്മാ‌ർ വാടകയ്‌ക്കെടുത്ത വീടിന്റെ പരിസരത്ത് കെട്ടാൻ കൊണ്ടുവന്നപ്പോഴാണ് ആന ഇടഞ്ഞതെന്നാണ് വിവരം.