സമരപ്രഖ്യാപന സംഗമം 14 ന്

കൊല്ലം: കേരളത്തിലെ സ്​കൂൾ പാചക തൊഴിലാളികളുടെ ആവശ്യങ്ങളും അവകാശങ്ങളും സംബന്ധിച്ച് ജൂൺ 29 നും ആഗസ്റ്റ് 6 നും ചേർന്ന മന്ത്രിതല ചർച്ചയിൽ എടുത്ത തീരുമാനങ്ങൾ ഒന്നുപോലും നടപ്പാക്കാൻ സർക്കാർ തയ്യാറാകത്തതി​ൽ പ്രതിഷേധിച്ച് സ്​കൂൾ പാചകതൊഴിലാളി കോൺഗ്രസ് (ഐ.എൻ.ടി.യു.സി) സമരപ്രഖ്യാപന നേതൃത്വ സംഗമം 14ന് രാവി​ലെ 10ന് ജില്ലാ കോൺഗ്രസ് ഭവനിൽ നടക്കും. സ്​കൂൾ പാചക തൊഴിലാളികളുടെ ആവശ്യങ്ങൾ നേടിയെടുക്കുന്നതിനു വേണ്ടിയുള്ള സമര പോരാട്ടങ്ങളെളെക്കുറിച്ച് ആലോചിക്കാൻ ചേരുന്ന തൊഴിലാളി സംഗമം മുൻ എം.എൽ.എ അഡ്വ. പി. ഐഷാപോറ്റി ഉദ്ഘാടനം ചെയ്യും. കെ.പി.സി.സി രാഷ്ട്രീയകാര്യ സമിതി അംഗം അഡ്വ. ബിന്ദുകൃഷ്ണ മുഖ്യപ്രഭാഷണം നടത്തും. കോൺഗ്രസി​ന്റെയും ഐ.എൻ.ടി.യു.സിയുടേയും പ്രമുഖ നേതാക്കൾ പങ്കെടുക്കും.