ജോയിന്റ് കൗൺസിൽ മേഖല സമ്മേളനം

കാഞ്ഞങ്ങാട്: മിനി സിവിൽ സ്റ്റേഷനിലെ ലിഫ്റ്റ് അടിയന്തരമായി പ്രവർത്തന സജ്ജമാക്കണമെന്ന് ജോയിന്റ് കൗൺസിൽ കാഞ്ഞങ്ങാട് മേഖല സമ്മേളനം ആവശ്യപ്പെട്ടു. മടിക്കൈ കുഞ്ഞിക്കണ്ണൻ സ്മാരക ഹാളിൽ സമ്മേളനം ജോയിന്റ് കൗൺസിൽ സംസ്ഥാന സെക്രട്ടറി നരേഷ് കുമാർ കുന്നിയൂർ ഉദ്ഘാടനം ചെയ്തു. ജോയിന്റ് കൗൺസിൽ മേഖലാ സെക്രട്ടറി പി. സനൂപ് റിപ്പോർട്ടും എം.സി ഷഫീർ വരവുചെലവ് കണക്കും ജില്ലാ പ്രസിഡന്റ് ജി. സുരേഷ് ബാബു സംഘടനാ റിപ്പോർട്ടും അവതരിപ്പിച്ചു. സെക്രട്ടറി ബാനം ദിവാകരൻ, ജോയിന്റ് സെക്രട്ടറി റിജേഷ്, സംസ്ഥാന കൗൺസിൽ അംഗം റിജേഷ് എന്നിവർ സംസാരിച്ചു. പി. കവിത രക്തസാക്ഷി പ്രമേയവും നാമദേവൻ അനുശോചന പ്രമേയവും മാധവ രഞ്ജിത്ത് പ്രമേയവും അവതരിപ്പിച്ചു. പ്രസിഡന്റ് പി.എം വിൻസെന്റ് അദ്ധ്യക്ഷത വഹിച്ചു. പി.പി. അനിൽകുമാർ നന്ദി പറഞ്ഞു.