നടി ആര്യ വിവാഹിതയായി, വരൻ ദിലീപ്; ചടങ്ങിൽ താരമായി കുഞ്ഞനുജത്തി

നടിയും നർത്തകിയുമായ ആര്യ പാർവതി വിവാഹിതയായി. നടനും മോഡലും സംരംഭകനുമായ ദിലീപ് ആണ് വരൻ. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ലളിതമായ ചടങ്ങിലാണ് ഇരുവരും വിവാഹിതരായത്.

ആര്യയുടെ കുഞ്ഞനുജത്തി ആദ്യ പാർവതി (പാലു) ആയിരുന്നു ചടങ്ങിലെ പ്രധാന ശ്രദ്ധാകേന്ദ്രം. ആര്യയ്ക്ക് 24 വയസുള്ളപ്പോഴാണ് കുഞ്ഞനുജത്തി ജനിച്ചത്. അമ്മയുടെ 47ാം വയസിൽ ജനിച്ച അനുജത്തിയെ മകളെപ്പോലെയാണ് കാണുന്നതെന്ന് പല അഭിമുഖങ്ങളിലും ആര്യ പറഞ്ഞിട്ടുണ്ട്. നൃത്തം, മോഡലിംഗ്, അഭിനയം എന്നീ മേഖലകളിൽ സജീവ സാന്നിദ്ധ്യമാണ് ആര്യ. 'ആര്യമോഹനം' എന്ന പേരിൽ നൃത്തവിദ്യാലയവും നടത്തുന്നുണ്ട്.