ആലിൻ ഷെറിന്റെ അവയവങ്ങളുമായി ആംബുലൻസ് തലസ്ഥാനത്തേക്ക്​, ഗ്രീൻ കോറിഡോർ ഒരുക്കി പൊലീസ്

കൊച്ചി: സംസ്ഥാനത്തെ ഏറ്റവും പ്രായം കുറഞ്ഞ അവയവ ദാതാവായ ആലിൻ ഷെറിൻ എബ്രഹാമിന്റെ അവയവങ്ങളുമായി ആംബുലൻസ് കൊച്ചിയിൽ നിന്ന് തിരുവനന്തപുരത്തേക്ക് പുറപ്പെട്ടു. റോഡ് മാർഗം ആംബുലൻസിലാണ് അവയവങ്ങൾ തിരുവനന്തപുരത്ത് എത്തിക്കുന്നത്. ഗതാഗത തടസം ഒഴിവാക്കാൻ ഗ്രീൻ കോറിഡോർ ഒരുക്കിയാണ് പൊലീസ് ആംബുലൻസിന് വഴിയൊരുക്കുന്നത്. കൊച്ചി അമൃത ആശുപത്രിയിൽ നിന്ന് കുന്നുംപുറം,​ ഇടപ്പള്ളി. വൈറ്റില,​ മിനി ബൈപ്പാസ് വഴി തൃപ്പൂണിത്തുറ,​ പുത്തൻകാവ്,​ ഏറ്റുമാനൂർ,​ കോട്ടയം വഴി തിരുവനന്തപുരത്തേക്ക് എത്തുന്ന രീതിയിലാണ് യാത്ര സജ്ജീകരിച്ചിരിക്കുന്നത്.

റോഡപകടത്തിൽ ജീവൻ പൊലിഞ്ഞ 10 മാസം മാത്രം പ്രായമുള്ള ആലിൻ ഷെറിന്റെ അവയവങ്ങളാണ് ദാനം ചെയ്യുന്നത്. വൃക്കയും കരളഴും ഹൃദയ വാൽവുകളുമാണ് ദാനം ചെയ്യുന്നത്. വൃക്കകൾ തിരുവനന്തപുരം എസ്.എ.ടി ആശുപത്രിയിൽ ചികിത്സയിലുള്ല 10 വയസുള്ള കുട്ടിക്കാണ് നൽകുന്നത്. ഇൻക്വസ്റ്റ് നടപടികളും ഗാർഡ് ഓഫ് ഓണറും പൂർത്തിയാക്കി കുഞ്ഞിന്റെ ശരീരം ബന്ധുക്കൾക്ക് വിട്ടു നൽകും,​ സംസ്ഥാന ബഹുമതികളോടെയാണ് മൃതദേഹം കൈമാറുക.