പ്രതിഭകളെ ആദരിച്ചു

കൊടുവള്ളി: പൊതുവിദ്യാലയങ്ങളുടെ മികവുകൾ പങ്കുവെക്കുന്ന വിദ്യാഭ്യാസ വകുപ്പിന്റെ ഹരിത വിദ്യാലയം റിയാലിറ്റി ഷോയിൽ പങ്കെടുത്ത് മികച്ച പ്രകടനം കാഴ്ച വെച്ച കൊടുവള്ളി ഗവ.ഹയർ സെക്കൻഡറി സ്കൂൾ ടീം അംഗങ്ങളെയും വൈ.ഐ.പി, എസ്.ഐ.എം, സംസ്ഥാന സ്കൂൾ കലോത്സവം എന്നിവയിൽ മികച്ച പ്രകടനം കാഴ്ചവെച്ചവരെയും സ്കൂൾ സ്റ്റാഫ് കൗൺസിൽ ആദരിച്ചു. കൊടുവള്ളി നഗരസഭ വിദ്യാഭ്യാസ സ്ഥിരം സമിതി ചെയർപേഴ്സൺ ബിന്ദു അനിൽകുമാർ പരിപാടി ഉദ്ഘാടനം ചെയ്തു. പി.ടി.എ പ്രസിഡന്റ് ആർ.വി. അബ്ദുൾ റഷീദ് അദ്ധ്യക്ഷത വഹിച്ചു. ഷബ്ന സുനീർ ഉപഹാര സമർപ്പണം നടത്തി. പി.ടി.മുഹമ്മദ് മുസ്തഫ, പി. നിഷ, വി.സുബൈദ പ്രസംഗിച്ചു.