14കാരിക്ക് ക്രൂരപീഡനം , പിതാവുൾപ്പടെ 3 പേർ അറസ്റ്റി​ൽ

അമ്പലപ്പുഴ: പതിനാല് വയസുകാരിയെ നാലു വർഷത്തോളം ക്രൂര പീഡനത്തി​ന് ഇരയാക്കി​യ പിതാവടക്കം മൂന്ന് പേരെ പുന്നപ്ര പൊലീസ് അറസ്റ്റ് ചെയ്തു.

.2022 ജനുവരി മുതൽ 2026 ജനുവരി വരെ നടന്ന പീഡനത്തെപ്പറ്റി​ പെൺകുട്ടി സുഹൃത്തിന്റെ മാതാവിനോട് തുറന്നു പറഞ്ഞതോടെയാണ് സംഭവം പുറം ലോകമറിഞ്ഞത് കൗൺസിലർ കൂടിയായ സുഹൃത്തിന്റെ മാതാവ് വിവരം പൊലീസിൽ അറിയിച്ചു. തുടർന്നാണ് പി​താവ്, പി​തൃ സഹോദരീ ഭർത്താവ്, പി​താവി​ന്റെ സഹോദരി​യുടെ മകൻ എന്നി​വരെ അറസ്റ്റ് ചെയ്തത്. പി​താവി​ന്റെ ഒരു ബന്ധു കൂടി​ കേസി​ൽ ഉൾപ്പെട്ടി​ട്ടുണ്ട്. പിതാവിനൊപ്പം വീട്ടിലിരുന്ന് മദ്യപിച്ച ശേഷമായിരുന്നു ഇയാൾ പെൺ​കുട്ടി​യെ പീഡനത്തിനിരയാക്കിയത്. പെൺകുട്ടിയെ കുടുംബശ്രീയുടെ കീഴിലുള്ള സ്‌നേഹിത സെന്ററിന്റെ സംരക്ഷണത്തി​ലേക്ക് മാറ്റി.

പെൺകുട്ടിയ്ക്ക് എട്ടു വയസുള്ളപ്പോൾ അമ്മയുടെ സഹോദരൻ പീഡി​പ്പി​ച്ചി​രുന്നു. ഈ സംഭവത്തി​ൽ ആലപ്പുഴ സൗത്ത് പൊലീസി​ന്റെ പിടിയിലായ ഇയാൾ ജാമ്യത്തിലിറങ്ങി പിന്നീട് ആത്മഹത്യ ചെയ്തു. ഇതോടെ അമ്മ കുട്ടിയെ ഉപേക്ഷിക്കുകയും പിന്നീട് ശിശുക്ഷേമ സമിതിയുടെ സംരക്ഷണത്തി​ലേക്ക് മാറ്റുകയും ചെയ്തി​രുന്നു. മാതാവ് പിന്നീട് ഇവരെ ഉപേക്ഷിച്ച് മറ്റൊരാളുടെ കൂടെ പോയി​. 10 വയസു വരെ കുട്ടി സി.ഡബ്ല്യു.സിയിലാണ് കഴിഞ്ഞത്. 2022 ൽ ഇവിടെ നിന്നും പിതാവ് മകളെ സഹോദരിയുടെ വീട്ടിലേക്ക് കൂട്ടി​ക്കൊണ്ടു പോയി. ഇവിടെ വച്ചാണ് വർഷങ്ങൾ നീണ്ട ലൈംഗിക പീഡനത്തി​ന് പിതാവ് മകളെ ഇരയാക്കിയത്.