ഓച്ചിറയിൽ റോഡ് ഉദ്ഘാടനം

ഓച്ചിറ: സി.ആർ. മഹേഷ് എം.എൽ.എയുടെ പ്രാദേശിക വികസന ഫണ്ടിൽ നിന്ന് 20 ലക്ഷം രൂപയും ഓച്ചിറ ഗ്രാമപഞ്ചായത്തിന്റെ 13 ലക്ഷം രൂപയും സംയുക്തമായി വിനിയോഗിച്ച് പുനരുദ്ധാരണം ചെയ്ത ഓച്ചിറ ഗ്രാമപഞ്ചായത്ത് ഏഴാം വാർഡിലെ ആലക്കോട്ടുമുക്ക് ഇരിക്കൽ പാലം റോഡിന്റെ സമർപ്പണം നടത്തി. സി​.ആർ. മഹേഷ് എം.എൽ.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് എൻ. കൃഷ്ണകുമാർ അദ്ധ്യക്ഷത വഹിച്ചു. ഗ്രാമ പഞ്ചായത്ത് വൈസ് പ്രസിഡന്റ് മുബീന നാസിം,ലീന പ്രവീൺ, സന്തോഷ് തണൽ, മിനി പൊന്നൻ, അഖിൽ ശശികുമാർ എന്നിവർ സംസാരിച്ചു. മുൻ ഗ്രാമപഞ്ചായത്തംഗം ഇന്ദുലേഖയെ ചടങ്ങിൽ ആദരിച്ചു