ആയുർവേദ ഡിസ്പെൻസറി ഉദ്ഘാടനം
ബേപ്പൂർ : സംസ്ഥാന സർക്കാർ അനുവദിച്ച 1.5 കോടി രൂപ ചെലവിൽ അത്യാധുനിക സൗകര്യങ്ങളോടെ നിർമ്മിച്ച ബേപ്പൂർ ഗവ.ആയുർവേദ ഡിസ്പെൻസറി പൊതുമരാമത്ത് -ടൂറിസം മന്ത്രി പി.എ മുഹമ്മദ് റിയാസ് നാടിന് സമർപ്പിച്ചു. കോർപ്പറേഷൻ ആരോഗ്യ സ്ഥിരംസമിതി അദ്ധ്യക്ഷൻ കെ രാജീവ് അദ്ധ്യക്ഷത വഹിച്ചു. കൗൺസിലർമാരായ ഷിനു പിണ്ണാണത്ത് , നിമ്മി പ്രശാന്ത് , കൊല്ലരത്ത് സുരേശൻ , കെ പി തസ്ലീന , ഡോ. പി എം സിനി , ഡോ. മുനവർ റഹ്മാൻ , ഇ ബിജോയ് , പി റസൽ , മുരളി ബേപ്പൂർ , ടി ഉണ്ണികൃഷ്ണൻ , പ്രകാശൻ കോഴിക്കൽ എന്നിവർ പ്രസംഗിച്ചു. കൗൺസിലർ പി പി ബീരാൻ കോയ സ്വാഗതവും മെഡിക്കൽ ഓഫീസർ ഡോ.ടി കെ ഹൃദ്യ നന്ദിയും പറഞ്ഞു. ഡിസ്പെൻസറി വളപ്പിൽ ഔഷധ ഉദ്യാനവും ഒരുക്കും.