സമൂഹത്തിലെ മോശപ്പെട്ട പ്രവണതകളെ ഇല്ലാതാക്കാനാണ് ഗുരു പഠിപ്പിക്കുന്നത്: ഡോ.എസ്.കെ.രാധാകൃഷ്ണൻ

റാന്നി: സമൂഹത്തിലെ മോശപ്പെട്ട പ്രവണതകളെ ഇല്ലാതാക്കാനും മാറ്റം വരുത്തേണ്ടതിനെ മാറ്റുകയും ചെയ്യാനാണ് ഗുരു പഠിപ്പിക്കുന്നതെന്ന് മുൻ സെക്രട്ടേറിയറ്റ് ജോയിന്റ് സെക്രട്ടറി ഡോ.എസ്.കെ.രാധാകൃഷ്ണൻ പറഞ്ഞു . 31-ാമത് മാടമൺ ശ്രീനാരായണ കൺവെൻഷന്റെ രണ്ടാം ദിനമായ ഇന്നലെ ഗുരുവിന്റെ വിദ്യാഭ്യാസ ദർശനം' എന്ന വിഷയത്തിൽ പഠനക്ലാസ് നയിക്കുകയായിരുന്നു അദ്ദേഹം. ഇന്നലെ രാവിലെ രാവിലെ 10ന് നടന്ന സമ്മേളനത്തിൽ 1182-ാം ചിറ്റാർ ശാഖാ സെക്രട്ടറി സുരേഷ് കുമാർ സി.ജി അദ്ധ്യക്ഷത വഹിച്ച യോഗത്തിൽ 92-ാം തലച്ചിറ ശാഖാ പ്രസിഡന്റ് പി.കെ.ശശിധരൻ സ്വാഗതം പറഞ്ഞു . പി.ഡി. പുഷ്പാംഗതൻ, വിലാസചന്ദ്രൻ, ബിന്ദു മനോജ് , അനിരുദ്ധൻ, മോഹനൻ, കമലാസനൻ എന്നിവർ ചടങ്ങിൽ പങ്കെടുത്തു. വനിതാ സംഘം ചെയർ പേഴ്സൺ ഇന്ദിര മോഹൻദാസ് നന്ദി പറഞ്ഞു. ഉച്ചയ്ക്ക് 1.30ന് രാജേഷ് മാമ്പാറയുടെ (79 -ാംകക്കാട്) ഗാനാർച്ചനയോടെ രണ്ടാം സെഷൻ ആരംഭിച്ചു. 6445-ാം ഇടമുറി ശാഖാ പ്രസിഡന്റ് മോഹനൻ അദ്ധ്യക്ഷത വഹിച്ച യോഗത്തിൽ 5245-ാം മോതിരവയൽ ശാഖാ സെക്രട്ടറി ഉഷ സ്വാഗതം ആശംസിച്ചു. തുടർന്ന് 'ശ്രീനാരായണ ദർശനങ്ങളിലെ കാലിക പ്രസക്തി' എന്ന വിഷയത്തിൽ കോട്ടയം ക്രൈം ബ്രാഞ്ച് സബ് ഇൻസ്പെക്ടർ മുരളീധരൻ കെ.എസ്. മണിമല പഠനക്ലാസ് നയിച്ചു. മോഹനൻ, ബിനു , ഒ.എസ്. സുരേഷ്, മോഹനൻ,സുരേഷ്, കെ.കെ രാജു എന്നിവർ സാന്നിദ്ധ്യം അറിയിച്ചു. യോഗത്തിനു ഉഷ കലേഷ് നന്ദി രേഖപ്പെടുത്തി.

കൺവെൻഷൻ നഗറിൽ ഇന്ന്

10.30ന് സുരേഷ് പരമേശ്വരൻ "ശ്രീനാരായണ ഗുരുദേവന്റെ മതം" എന്ന വിഷയത്തിൽ ക്ലാസ് നയിക്കും. ഉച്ചയ്ക്ക് 2ന് കലാകേളി പരിപാടികൾ സിനിമ -സീരിയൽ താരം സ്‌മിത മജീഷ് ഉദ്ഘാടനം ചെയ്യും.