ഇന്ത്യ-ഒമാൻ കരാർ ചർച്ച

കൊച്ചി: ഇന്ത്യ -ഒമാൻ സമഗ്ര സാമ്പത്തിക കരാറിനെക്കുറിച്ച് വാണിജ്യസംഘടനകളായ ഫിക്കി, സി.ടി.ഐ.എൽ, ഇൻമെക്, ഒമാൻ ചേംബർ ഒഫ് കൊമേഴ്‌സ് എന്നിവ സെമിനാർ സംഘടിപ്പിച്ചു. ഒമാനിലെ ഇന്ത്യൻ അംബാസഡർ ജി.വി ശ്രീനിവാസ്,​ വ്യവസായവകുപ്പ് അഡീഷണൽ ചീഫ് സെക്രട്ടറി എ.പി.എം മുഹമ്മദ് ഹനീഷ്,​ മുംബയിലെ ഒമാൻ കോൺസുലേറ്റ് ജനറൽ മഹബൂബ് ഇസ അൽറൈസി,​ ഇൻഡോ ഗൾഫ് ആൻഡ് മിഡിൽ ഈസ്റ്റ് ചേംബർ ഒഫ് കൊമേഴ്‌സ് ചെയർമാൻ ഡോ.എൻ.എം.ഷറഫുദ്ദീൻ, ഒമാൻ ചേംബർ ഒഫ് കോമേഴ്‌സ് ആൻഡ് ഇൻഡസ്ട്രി ബോർഡ് അംഗവും ഫോറിൻ ഇൻവെസ്റ്റ്‌മെന്റ് കമ്മിറ്റി ചെയർമാനുമായ അബ്ദുൽ ലത്തീഫ് ഉപ്പള,​ ഫിക്കി കോ ചെയർ ചെറിയാൻ എം.ജോർജ്,​ സ്റ്റേറ്റ് കൗൺസിൽ ഹെഡ് സാവിയോ മാത്യു എന്നിവർ സംസാരിച്ചു.