സജി ചെറിയാനെതിരെ തെളിവില്ലെന്ന് ക്രൈംബ്രാഞ്ച്

തിരുവനന്തപുരം:ഭരണഘടനയെ അവഹേളിച്ചുള്ള പ്രസംഗത്തിൽ മന്ത്രി സജി ചെറിയാനെതിരേ തെളിവില്ലെന്ന് ക്രൈംബ്രാഞ്ചിന്റെ തുടരന്വേഷണ റിപ്പോർട്ട്. പത്തനംതിട്ട മല്ലപ്പള്ളിയിൽ നടത്തിയ വിവാദ പ്രസംഗം ലൈവ് ചെയ്ത മൊബൈൽ കണ്ടെത്താനായില്ല. പ്രസംഗം ലൈവായി നൽകിയ സമൂഹമാദ്ധ്യമ അക്കൗണ്ടും നശിപ്പിച്ചു. അതിനാൽ തെളിവുകൾ കിട്ടിയില്ലെന്നാണ് ക്രൈംബ്രാഞ്ച് റിപ്പോർട്ടിലുള്ളത്.എന്നാൽ കേസ് എഴുതിത്തള്ളാനുള്ള റിപ്പോർട്ട് ക്രൈംബ്രാഞ്ച് മേധാവി മടക്കി.തെളിവുകൾ ശേഖരിക്കാതെയാണ് അന്വേഷണം അവസാനിപ്പിച്ചത് എന്നതടക്കം അന്വേഷണത്തിലെ പിഴവുകൾ ചൂണ്ടിക്കാട്ടിയാണ് മടക്കിയത്.