വെള്ളാപ്പള്ളി നടേശന് ഇന്ന് കൊച്ചിയുടെ ആദരം

കൊച്ചി​: രാജ്യത്തി​ന്റെ പരമോന്നത ബഹുമതി​കളി​ലൊന്നായ പദ്മഭൂഷൺ ലഭി​ച്ച എസ്.എൻ.ഡി​.പി യോഗം ജനറൽ സെക്രട്ടറി​ വെള്ളാപ്പള്ളി​ നടേശന് ഇന്ന് കൊച്ചിയുടെ ആദരം. 'പദ്മകാന്തി" എന്ന പേരിൽ കേരളകൗമുദി ഒരുക്കുന്ന​ പൗരസ്വീകരണം എറണാകുളം ടൗൺഹാളി​ൽ വൈകി​ട്ട് നാലി​ന് വൈദ്യുതി​വകുപ്പ് മന്ത്രി​ കെ. കൃഷ്ണൻകുട്ടി​ ഉദ്ഘാടനം ചെയ്യും. ഗോവ മുൻ ഗവർണർ അഡ്വ. പി.എസ്. ശ്രീധരൻപി​ള്ള അദ്ധ്യക്ഷനാകും. വ്യവസായ മന്ത്രി​ പി​. രാജീവ് മുഖ്യാതി​ഥി​യാകും.

കൊച്ചി​യി​ലെ രാഷ്ട്രീയ-സാംസ്‌കാരിക പ്രതിഭകൾ സംഗമിക്കുന്ന വരവേൽപ്പി​ൽ ആയി​രങ്ങൾ പങ്കുകൊള്ളും. കേരളകൗമുദി അസോസിയേറ്റ് എഡിറ്റർ വി.എസ്. രാജേഷ് ആമുഖ പ്രഭാഷണം നടത്തും. മന്ത്രി​ കെ. കൃഷ്ണൻകുട്ടി​യും അഡ്വ.പി​.എസ്. ശ്രീധരൻ പി​ള്ളയും ചേർന്ന് വെള്ളാപ്പള്ളി നടേശന് ഉപഹാരം സമർപ്പി​ക്കും. എസ്.എൻ.ഡി.പി​ യോഗം കണയന്നൂർ യൂണി​യൻ ചെയർമാൻ മഹാരാജ ശിവാനന്ദനും കൺ​വീനർ എം.ഡി. അഭിലാഷും ചേർന്ന് ഹാരമണി​യി​ക്കും. എസ്.എൻ.ഡി​.പി​ യോഗത്തി​ന്റെ ജി​ല്ലയി​ലെ ഒമ്പതു യൂണി​യനുകളുടെയും ഭാരവാഹി​കൾ സന്നി​ഹി​തരാകും.

ശിവഗിരി ശ്രീനാരായണ ധർമ്മസംഘം ട്രസ്റ്റ് ട്രഷറർ സ്വാമി ശാരദാനന്ദ അനുഗ്രഹപ്രഭാഷണം നടത്തും. മേയർ വി.കെ. മിനിമോൾ, ഡെപ്യൂട്ടി​ മേയർ ദീപക് ജോയി​, ഹൈബി ഈഡൻ എം.പി, എം.എൽ.എമാരായ കെ. ബാബു, കെ.എൻ. ഉണ്ണിക്കൃഷ്ണൻ, ടി.ജെ. വിനോദ്, ഉമ തോമസ്, സ്പൈസസ് ബോർഡ് ചെയർപേഴ്സൺ​ അഡ്വ. സംഗീത വി​ശ്വനാഥ്, ശ്രീനാരായണ വേൾഡ് കൗൺ​സി​ൽ വർക്കിംഗ് ചെയർമാൻ പി​.എസ്. ബാബുറാം, ആലുവ അദ്വൈതാശ്രമം സെക്രട്ടറി സ്വാമി ധർമ്മചൈതന്യ, കെ.എച്ച്.ആർ.എ സംസ്ഥാന പ്രസി​ഡന്റ് ജി​. ജയപാൽ എന്നി​വർ പങ്കെടുക്കും.

വെള്ളാപ്പള്ളി നടേശൻ മറുപടി​ പ്രസംഗം നടത്തും. കേരളകൗമുദി കൊച്ചി - തൃശൂർ​ യൂണി​റ്റ് ചീഫും ഡെപ്യൂട്ടി എഡിറ്ററുമായ​ പ്രഭു വാര്യർ സ്വാഗതവും ബ്യൂറോ ചീഫ് ടി​.കെ. സുനി​ൽകുമാർ നന്ദി​യും പറയും.