ഡിസൈനർമാരുടെ ദേശീയസംഗമം

കൊച്ചി: ഇന്ത്യൻ ഇൻസ്റ്റിറ്റ്യൂട്ട് ഒഫ് ഇന്റീരിയർ ഡിസൈനേഴ്‌സ് (ട്രിപ്പിൾ ഐ.ഡി) കേരള ഘടകം 7, 8 തീയതികളിൽ ഫോർട്ട്കൊച്ചിയിൽ കല, കായൽ, കഥകൾ എന്ന പേരിൽ ആർക്കിടെക്‌ടുകളുടെയും ഇന്റീരിയർ ഡിസൈനർമാരുടെയും ദേശീയസംഗമം സംഘടിപ്പിക്കും. കൊച്ചി ബിനാലെ സന്ദർശനം, കയാക്കിംഗ്, പഠനക്കളരി എന്നിവയാണ് സംഘടിപ്പിക്കുക. ട്രിപ്പിൾ ഐ.ഡി ദേശീയ പ്രസിഡന്റ് ജിഗ്‌നേഷ് മോഡി മുഖ്യാതിഥിയാകും. നവംബറിലെ ഡിസൈൻ കോൺക്ലേവ്, എക്‌സലൻസ് അവാർഡുകൾ എന്നിവയുടെ പ്രഖ്യാപനവും നടക്കും. മാസികയായ ഇൻസ്‌കേപ്പിന്റെ പ്രകാശനവും നിർവഹിക്കും. കുമ്പളങ്ങിയിൽ കയാക്കിംഗ്, വെൽനസ് പരിപാടികളും സംഘടിപ്പിക്കുമെന്ന് ഐ.ഐ.ഐ.ഡി കേരള ചെയർപേഴ്സൺ ചിത്ര നായർ, സെക്രട്ടറി സൂര്യ പ്രശാന്ത് എന്നിവർ പറഞ്ഞു.