ഡി.ബിയിലെ വല്യേട്ടൻ, സകുടുംബം ഒറ്റഫ്രയിമിലെത്തി

തിരുവല്ല : 18 വർഷത്തെ ഇടവേളയ്ക്ക് ശേഷം കോളേജ് പഠനം ആരംഭിച്ച അനൂപ്.എസ്.വി കലോത്സവത്തിന് എത്തി​യത് ഭാര്യയും രണ്ടുമക്കളുമായി​. സാമ്പത്തിക പരാധീനതമൂലം കോളേജ് പഠനം മുടങ്ങി​യതോടെ സിനിമാട്ടോഗ്രാഫിയി​ലൂടെ ജീവി​തമാർഗം കണ്ടെത്തുകയായി​രുന്നു. ഇപ്പോൾ പരുമല ദേവസ്വം ബോർഡ്‌ കോളേജിലെ ബി.എ ഇംഗ്ലീഷ് വിദ്യാർത്ഥിയായ അനൂപ് 36 ാം വയസി​ൽ മൈമിലും നാടകത്തിലും ഫോട്ടോഗ്രാഫിയിലുമാണ് പങ്കെടുത്തത്. മൈമിന് എ ഗ്രേഡ് ലഭിച്ചു. കോളേജ് പഠനത്തിനൊപ്പം മെന്റലിസ്റ്റ് ആദിയുടെ ഫോട്ടോഗ്രാഫറുമാണ് അനൂപ്. മാന്നാർ വിശ്വവർശ്ശേരിക്കര തോട്ടനിലത്ത് ശിവൻകുട്ടിയുടെയും വത്സലയുടെയും മകനാണ്‌. ദീപദാസാണ് ഭാര്യ. ധ്യാൻ, ഇതൾ എന്നിവർ മക്കളാണ്.