ജി.എച്ച്.എസ്.എസ് ചിറ്റൂരിന് ലിറ്റിൽ കൈറ്റ്സ് അവാർഡ്

ചിറ്റൂർ: ചിറ്റൂർ ഗവൺമെന്റ് ഹയർ സെക്കൻഡറി സ്‌കൂളിന്റെ യശസ്സുയർത്തി ലിറ്റിൽ കൈറ്റ്സ് യൂണിറ്റ് പുതിയൊരു ചരിത്രം കൂടി കുറിച്ചിരിക്കുന്നു. 2025-26 അധ്യയന വർഷത്തെ പ്രവർത്തന മികവിനുള്ള അവാർഡിൽ ചിറ്റൂർ ഉപജില്ലാ തലത്തിൽ ജി.എച്ച്.എസ്.എസ് ചിറ്റൂർ ഒന്നാം സ്ഥാനം കരസ്ഥമാക്കി. സംസ്ഥാനതലത്തിൽ വിലയിരുത്തിയാണ് അവാർഡ് പ്രഖ്യാപിച്ചത്. സാങ്കേതിക വിദ്യയെ സർഗ്ഗാത്മകമായി ഉപയോഗിക്കുന്നതിലും ഐ.ടി അധിഷ്ഠിത പ്രോജക്ടുകൾ ചിട്ടയോടെ നടപ്പിലാക്കുന്നതിലും യൂണിറ്റ് കാഴ്ച്ചവെച്ച പ്രകടനമാണ് ഈ വലിയ നേട്ടത്തിന് ആധാരം. അഭിനന്ദനങ്ങളുടെ നിറവിൽ ഈ ഉജ്ജ്വല നേട്ടത്തിന് പിന്നിൽ പ്രവർത്തിച്ച ഓരോരുത്തരെയും വിദ്യാലയം അഭിനന്ദിച്ചു.