വനിതാ ദിനാചരണവും വീട്ടക വായന സദസും (

ഓച്ചിറ: ക്ലാപ്പന അക്ഷരപ്പുര ഗ്രന്ഥശാലയുടെയും വനിതാ വേദിയുടെയും സംയുക്താഭിമുഖ്യത്തിൽ വനിതാ ദിനാചരണവും വീട്ടക വായന സദസും സംഘടിപ്പിച്ചു. താലൂക്ക് ലൈബ്രറി കൗൺസിൽ സെക്രട്ടറി വി.വിജയകുമാർ ഉദ്ഘാടനം ചെയ്തു. ക്ളാപ്പന തത്വമസിക്ക് സമീപം നടന്ന പരിപാടിയിൽ ഗ്രാമപഞ്ചായത്ത് അംഗം ആതിര സനൽ അദ്ധ്യക്ഷത വഹിച്ചു. എക്സിക്യുട്ടിവ് അംഗം വി.ദിവാലക്ഷ്മി സ്വാഗതം പറഞ്ഞു. അരുൺ എഴുത്തച്ഛൻ എഴുതിയ 'വിശുദ്ധ പാപങ്ങളുടെ ഇന്ത്യ' പുസ്തകം റജി എസ്.തഴവ അവതരിപ്പിച്ചു. വനിതാദിന പ്രഭാഷണം ദീപ്തി രവീന്ദ്രൻ നിർവഹിച്ചു. അഭിജിത്ത് ശങ്കർ, എൽ.കെ. ദാസൻ, അംബികാ ഹരി, എൽ. പവിത്രൻ, എസ്. വിനിത, പൂജ മുരളി, മിനി ചന്ദ്രൻ തുടങ്ങിയവർ സംസാരിച്ചു