ആലപ്പുഴയിൽ ചുവരെഴുത്ത് തുടങ്ങി പി.പി.ചിത്തരഞ്ജൻ

ആലപ്പുഴ: ഔദ്യോഗിക പ്രഖ്യാപനത്തിന് മുമ്പേ ആലപ്പുഴ മണ്ഡലത്തിൽ സി.പി.എം സ്ഥാനാർത്ഥിയായി സിറ്റിംഗ് എം.എൽ.എ പി.പി.ചിത്തരഞ്ജന് വേണ്ടി ചുവരെഴുത്ത് ആരംഭിച്ചു. പേരും ചിഹ്നവും ചിത്രവും ഉൾപ്പെടുത്തിയാണിത്.

നിയമസഭാ തിരഞ്ഞെടുപ്പിൽ സീറ്റുറപ്പിച്ചവരോട്​ പ്രചാരണം തുടങ്ങാൻ നിർദേശിച്ചതിന്റെ അടിസ്ഥാനത്തിൽ ആലപ്പുഴ നഗരത്തിലും പരിസര പ്ര​ദേശങ്ങളിലും തൊഴിലാളികളുടെ നേതൃത്വത്തിലാണ്​ ചുവരെഴുത്ത്​ ആരംഭിച്ചത്​. കല്ലൻ പാലത്തിന്​ സമീപം ‘‘വരിക ജനനായക വീണ്ടും, ആലപ്പുഴയുടെ നന്മയ്ക്കായി’’ എന്ന തലക്കെട്ടിലാണ് ചുവരെഴുത്ത്​. ആലപ്പുഴയുടെ ജനനായൻ വീണ്ടും എന്ന ക്യാപ്​ഷനിലാണ്​ ​. ഇന്നലെ രാവിലെ മുതലാണ്​ നഗരത്തിന്റെ വിവിധ ഭാഗങ്ങളിൽ ചുവര​ഴെുത്ത്​ ആരംഭിച്ചത്​. പാർട്ടി നിർദേശ പ്രകാരമാണ്​ എഴുത്ത്​ തുടങ്ങിയതെന്ന് തൊഴിലാളികൾ പറയുമ്പോൾ, യാതൊരു നിർദ്ദേശവും നൽകിയിട്ടില്ലെന്നും പാർട്ടി അനുഭാവികൾ സ്വന്തം താൽപര്യ പ്രകാരം ചുവരെഴുത്ത് നടത്തുന്നതാകാമെന്നുമാണ് എം.എൽ.എ ഓഫീസിന്റെ പ്രതികരണം.