നാടക അവാർഡ് കൊടുമൺ ഗോപാലകൃഷ്ണന്

പത്തനംതിട്ട : നാടകരംഗത്തെ സമഗ്രസംഭാവനയ്ക്കുള്ള ഭാരത് ഭവൻ ഗ്രാമീണ അവാർഡ് നാടകകൃത്തും സംവിധായകനുമായ കൊടുമൺ ഗോപാലകൃഷ്ണന്. മെമ്പർ സെക്രട്ടറി ഡോ.പ്രമോദ് പയ്യന്നൂർ, വട്ടപ്പറമ്പിൽ പീതാംബരൻ, ഡോ.ബിയാട്രിക്സ് അലക്സിസ്, സുരേഷ് ബാബു ശ്രീസ്ഥ, മണികണ്ഠൻ പട്ടാമ്പി എന്നിവർ അടങ്ങിയ ജൂറി പാനലാണ് തി​രഞ്ഞെടുത്തത്. 38 വർഷമായി കലാലയതീയേറ്റർ രംഗത്ത് നൽകിയ സമഗ്ര സംഭാവനകൾ മുൻ നിർത്തിയാണ് അംഗീകാരം. ലോക നാടക ദിനമായ 27ന് തിരുവനന്തപുരം ഭാരത് ഭവനിൽ അവാർഡ് നൽകും.