ഈ ബൂത്ത് എന്നും 'ഒന്നാമൻ'

കാസർകോട്: ഏതു തിരഞ്ഞെടുപ്പ് നടന്നാലും കേരള, കർണാടക അതിർത്തിയിലെ കുഞ്ചത്തൂർ ഗവ. വൊക്കേഷണൽ ഹയർ സെക്കൻഡറി സ്കൂൾ കേരളത്തിലെ ഒന്നാം നമ്പർ ബൂത്തായിരിക്കും.

സ്കൂളിൽ നിന്ന് 500 മീറ്റർ നടന്നാൽ കർണാടകമായി. മലയാളം, കന്നഡ, ഉറുദു, തുളു, ബ്യാരി,​ ഹിന്ദി,​ അറബി എന്നിങ്ങനെ ഏഴു ഭാഷകൾ സംസാരിക്കുന്നവരാണ് ഇവിടത്തെ വോട്ടർമാർ. തി​കച്ചും സപ്തഭാഷകളുടെ സംഗമഭൂമി​​. മലയാളം ''സ്വൽപ്പ, സ്വൽപ്പ' അറിയുന്നവരാണ് ഏറെയും. അതിർത്തി പ്രദേശമായതി​നാൽ സായുധസേനയുടെ സുരക്ഷാവലയത്തിലാണ് ഈ ബൂത്തിൽ ഇന്നലെയും വോട്ടെടുപ്പ് നടന്നത്.

ഒന്നാം നമ്പർ ബൂത്തായതുകൊണ്ടാവാം സഹകരണത്തി​ലും ഇവി​ടെ മുന്നണികൾ ഒന്നാമതാണ്. ബൂത്ത് ഏജന്റുമാരും ബൂത്ത് കെട്ടുന്നവരുമൊക്കെ മറ്റെങ്ങുമി​ല്ലാത്ത വി​ധം സൗഹൃദത്തി​ലാണ്. മുഴുവൻ വോട്ടുകളും പോൾ ചെയ്യിപ്പിക്കുന്നതിൽ മാത്രമേ മത്സരമുള്ളൂ. 1328 വോട്ടർമാരുള്ള ബൂത്തിൽ രാവിലെ 11ന് മുമ്പ് തന്നെ 338 പേർ വോട്ട് ചെയ്തിരുന്നു.