അഖിലേന്ത്യ സാഹിത്യ സംഗമം 21ന് തുടങ്ങും

കൊച്ചി​: ഓഥേഴ്സ് ഗിൽഡ് ഒഫ് ഇന്ത്യയും സമസ്ത കേരള സാഹിത്യ പരിഷത്തും സംയുക്തമായി സംഘടിപ്പിക്കുന്ന അഖിലേന്ത്യ സാഹിത്യ സംഗമം 21, 22 തീയതികളിൽ മഹാകവി ജി. ഓഡിറ്റോറിയത്തിൽ നടക്കും. ഹൈബി ഈഡൻ എം.പി ഉദ്ഘാടനം ചെയ്യും. ഓഥേഴ്സ് ഗി​ൽഡ് ഒഫ് ഇന്ത്യ സെക്രട്ടറി ജനറൽ ഡോ.എസ്.എസ് അവസ്തി അദ്ധ്യക്ഷനാകും. പ്രൊഫ.എം.തോമസ് മാത്യുവിന് സമഗ്ര സംഭാവന പുരസ്കാരം സമ്മാനിക്കും. പരിഷത്ത് പ്രസിഡന്റ് ഡോ.ടി.എസ് ജോയി, ഡോ.നെടുമുടി ഹരികുമാർ, ഡോ.അജിതൻ മേനോത്ത്, ആർ.കെ.ദാമോദരൻ, പ്രൊഫ.വി.എ. വർഗീസ്, ജി.കെ.പിള്ള തെക്കേടത്ത് എന്നിവർ സംസാരിക്കും.