മികച്ച വിജയം

കൊല്ലം: സുഖമഹിന്ദി പരീക്ഷയിൽ മിന്നും വിജയവുമായി സെന്റ് മേരീസ് റസിഡൻഷ്യൽ സ്കൂളിലെ കുട്ടികൾ. ഫസ്റ്റ്, സെക്കൻഡ് റാങ്കുകളും സ്വന്തമാക്കി. രണ്ടാം ക്ളാസിലെ ശിവന്യ രാജീവാണ് ഫസ്റ്റ് റാങ്ക് നേടിയത്. നാലാം ക്ളാസിലെ എ.ജി.ആരവ് സെക്കൻഡ് റാങ്ക് നേടി. നേട്ടത്തിന് പിന്നിലെ അദ്ധ്യാപകരുടെ കഠിനാധ്വാനവും വിദ്യാർത്ഥികളുടെ സമർപ്പണവും നിർണായകമായി. വിജയികളെ സ്കൂൾ ഗ്രാഡുവേഷൻ ചടങ്ങിൽ പ്രിൻസിപ്പൽ ബിന്ദു കമൽ, സ്കൂൾ മാനേജർ മാത്യു.പി.എബ്രഹാം എന്നിവർ ചേർന്ന് അഭിനന്ദിച്ചു. ഭാവി പഠനങ്ങൾക്ക് ആശംസകളും നേർന്നു.