31 സ്ഥാനാർത്ഥികൾ, 60 സെറ്റ് പത്രികകൾ

പത്തനംതിട്ട : നിയമസഭാ തിരഞ്ഞെടുപ്പിനായി ജില്ലയിൽ ആകെ സമർപ്പിച്ചത് 60 സെറ്റ് നാമനിർദേശ പത്രികകൾ. മുന്നണി​ സ്ഥാനാർത്ഥി​കൾ ഒന്നി​ൽ കൂടുതൽ പത്രി​കൾ സമർപ്പി​ച്ചി​ട്ടുണ്ട്. 31 സ്ഥാനാർത്ഥി​കൾ പത്രി​ക നൽകി​.

തിരുവല്ല മണ്ഡലത്തിൽ എൽ.ഡി​.എഫ് സ്ഥാനാർത്ഥി​ മാത്യു ടി​.തോമസ്, യു.ഡി​.എഫ് സ്ഥാനാർത്ഥി അഡ്വ.വർഗീസ് മാമ്മൻ, ബി.ജെ.പി സ്ഥാനാർത്ഥി അനൂപ് ആന്റണി എന്നി​വരെ കൂടാതെ ബി.എസ്.പി സ്ഥാനാർത്ഥി രമേശും പത്രി​ക നൽകി​. സ്വതന്ത്ര സ്ഥാനാർത്ഥികളായ കെ.കെ.സുരേന്ദ്രൻ, സീൻ തോമസ്, അജു അലക്സ്, തോമസ് മാമൻ എന്നിവരും മത്സരരംഗത്തുണ്ട്.

ആറൻമുളയി​ൽ ബി.ജെ.പി സ്ഥാനാർത്ഥി കുമ്മനം രാജശേഖരൻ , കോൺഗ്രസ് സ്ഥാനാർത്ഥി അബിൻ വർക്കി, സി.പി.എം സ്ഥാനാർത്ഥി വീണാ ജോർജ് എന്നി​വരെ കൂടാതെ ബി.എസ്.പി സ്ഥാനാർത്ഥി വി.ആർ പ്രഭാകരൻ, ശങ്കരൻ, എസ്. രാമചന്ദ്രൻ എന്നി​വരും വരണാധികാരിക്ക് മുന്നിൽ പത്രിക​ സമർപ്പിച്ചു.

കോന്നി മണ്ഡലത്തിൽ സി.പി.എം സ്ഥാനാർത്ഥി അഡ്വ.കെ.യു.ജനീഷ് കുമാർ, കോൺഗ്രസ് സ്ഥാനാർത്ഥി സതീഷ് കൊച്ചുപറമ്പിൽ, ബി.ഡി.ജെ.എസ് സ്ഥാനാർത്ഥി ടി.പി.സുന്ദരേശൻ എന്നി​വർ പത്രി​ക സമർപ്പി​ച്ചു. ആർ.ബി.രാജീവ് കുമാർ, പി.ജഗത്പ്രിയ എന്നിവരും പത്രി​ക നൽകി​.

അടൂർ മണ്ഡലത്തിൽ കോൺഗ്രസ് സ്ഥാനാർത്ഥി അഡ്വ.സി.വി.ശാന്തകുമാർ, ബി.ജെ.പി സ്ഥാനാർത്ഥി​ അഡ്വ.കെ. പ്രതാപൻ, ബി.എസ്.പി സ്ഥാനാർത്ഥി സി.എഫ്.ശിവകുമാർ, സി.പി.ഐ സ്ഥാനാർത്ഥി പ്രി​ജി​ കണ്ണൻ, അച്ച്യുതൻ എന്നി​വർ പത്രി​ക നൽകി.

റാന്നി മണ്ഡലത്തിൽ കോൺഗ്രസ് സ്ഥാനാർത്ഥി പഴകുളം മധു, ട്വന്റി 20 സ്ഥാനാർത്ഥി തോമസ് കെ.സാമുവേൽ, കേരള കോൺഗ്രസ് (എം) സ്ഥാനാർത്ഥി പ്രമോദ് നാരായണൻ, വിപിൻ, ശ്രീഹരി എന്നി​വർ പത്രി​ക സമർപ്പിച്ചു.