ദന്താരോഗ്യ ദിനാചരണം

കൊല്ലം: ലോക ഓറൽ ഹെൽത്ത് ദിനത്തിന്റെ ഭാഗമായി ജില്ലാ ആശുപത്രി ദന്തൽ വിഭാഗം സംഘടിപ്പിച്ച ദന്താരോഗ്യ ദിനാചരണം ജില്ലാ ആശുപത്രിയിൽ നടന്നു. സീനിയർ ദന്തൽ കൺസൾട്ടന്റ് ഡോ. ജെ.ബി.രാജേഷിന്റെ അദ്ധ്യക്ഷതയിൽ ചേർന്ന യോഗം ജില്ലാ മെഡിക്കൽ ഓഫീസർ ഡോ. ഷീജ ഉദ്ഘാടനം ചെയ്തു. ആശുപത്രി സൂപ്രണ്ട് ഡോ.പ്ലാസ, ഡെപ്യൂട്ടി സൂപ്രണ്ട് ഡോ. ശ്രീകാന്ത്, ലേ സെക്രട്ടറി ഹരീഷ് കുമാർ എന്നിവർ സംസാരിച്ചു. ദന്താരോഗ്യ ബോധവൽക്കരണ റാലി, പോസ്റ്റർ പ്രദർശനം, ഓറൽ ക്യാൻസർ സ്ക്രീനിംഗ് ക്യാമ്പ്, ബോധവത്കരണ ക്ലാസുകൾ എന്നിവ നടന്നു.