യുവാവി​ന് അഭയമൊരുക്കി​

അടൂർ: വീണ് നട്ടെല്ലിന് പരിക്കേറ്റ് വീട്ടിൽ കഴി​ഞ്ഞ യുവാവിന് ആശ്രയമായി ചായലോട് മൗണ്ട് സിയോൺ മെഡിക്കൽ കോളേജ്. ചൂരക്കോട് ആശാൻപടി നന്ദനം വീട്ടിൽ സുരേന്ദ്രനാണ് (50) ആശ്രയമൊരുക്കിയത്. നാട്ടുകാർ ബ്ലോക്ക് പഞ്ചായത്തംഗം ടി.ഡി.സജിയെ അറിയിച്ചതിനെ തുടർന്ന് കോളേജ് മാനേജിംഗ് ഡയറക്ടർ സാം കലമണ്ണിനെ ബന്ധപ്പെടുകയായി​രുന്നു. സുരേന്ദ്രന്റെ ചികിൽസ ചെലവും ഭക്ഷണവും ആശുപത്രി വഹിക്കും. മുൻ പഞ്ചായത്ത് പ്രസിഡന്റ് സന്തോഷ് ചാത്തന്നുപ്പുഴ, വാർഡ് മെമ്പർ സനിത, ആശവർക്കർ ബിന്ദു, സദാശിവക്കുറുപ്പ്, തോമസ്, ബാബു എന്നിവർ എത്തിയിരുന്നു.