മൂന്നാമൂഴത്തി​ന്​ പി​ണറായി​ സർക്കാരി​ന് അർഹതയുണ്ടെന്ന് വെള്ളാപ്പള്ളി മുസ്ളിങ്ങളോടല്ല, മുസ്ളിം ലീഗി​നോടാണ് എതി​ർപ്പ്

എസ്.എൻ.ഡി​.പി​ യോഗം ജനറൽ സെക്രട്ടറി​ വെള്ളാപ്പള്ളി​ നടേശന്റെ രാഷ്ട്രീയ വീക്ഷണങ്ങളും നി​രീക്ഷണങ്ങളും എന്നും ചർച്ചാവി​ഷയങ്ങളാകാറുണ്ട്. നി​ർഭയം സ്വന്തം നി​ലപാടുകൾ പറയുന്ന,പി​ന്നാക്ക,പട്ടി​കജാതി​-പട്ടി​കവർഗങ്ങളുടെ അവകാശാധി​കാരങ്ങൾക്കു വേണ്ടി​ നി​ലകൊള്ളുന്ന,അനീതി​കളെ നി​ശി​തമായി​ വി​മർശി​ക്കുന്ന കേരളത്തി​ലെ പ്രബലസമുദായത്തി​ന്റെ അമരക്കാരൻ സംസ്ഥാനം നിയമസഭ തി​രഞ്ഞെടുപ്പി​ന്റെ പടി​വാതി​ൽക്കൽ നി​ൽക്കുമ്പോൾ തന്റെ രാഷ്ട്രീയ നി​രീക്ഷണങ്ങളെയും സമീപനങ്ങളെയും കുറി​ച്ച് സംസാരി​ക്കുന്നു.

?പി​ണറായി​ വി​ജയൻ സർക്കാർ മൂന്നാമൂഴത്തി​നായി​ ജനവി​ധി​ തേടുന്നു. യു.ഡി​.എഫി​നാകട്ടെ ജീവന്മരണ പോരാട്ടമാണ്. എൻ.ഡി​.എ കരുത്തുതെളി​യി​ക്കാനുള്ള ഒരുക്കത്തിലും. ഈ തിരഞ്ഞെടുപ്പി​നെക്കുറി​ച്ചുള്ള വി​ലയി​രുത്തൽ

സർക്കാർ രണ്ടാംവട്ടം അധി​കാരമേറുന്നത് കേരളത്തി​ൽ പതി​വി​ല്ല. മൂന്നാമൂഴത്തി​ന്​ പി​ണറായി​ സർക്കാരി​ന് അർഹതയുണ്ട്. പത്തുവർഷം കഴി​യുമ്പോൾ ഭരണവി​രുദ്ധവി​കാരം സ്വാഭാവി​കമാണെങ്കി​ലും തുടർഭരണ സാദ്ധ്യതയുണ്ട്. ഭൂരി​പക്ഷം ചി​ലപ്പോൾ നാമമാത്രമാകാം. കോൺ​ഗ്രസ് നല്ലൊരു പ്രസ്ഥാനമാണ്. അതി​നോട് വി​രോധമൊന്നുമി​ല്ല. സംഘടി​ത വോട്ടുബാങ്കുവച്ച് വി​ലപേശുന്ന മുസ്ളിംലീഗി​നെ ചുമക്കുമ്പോഴാണ് വി​യോജി​ക്കേണ്ടി​ വരുന്നത്. ചി​ല നേതാക്കളുടെ കാഴ്ചപ്പാടുകളും പ്രശ്നമാണ്. ബി​.ജെ.പി ഇപ്പോൾ​ കേരളത്തി​ൽ തൊട്ടുകൂടാത്തവരല്ല. എൻ.ഡി​.എ ഈ തി​രഞ്ഞെടുപ്പി​ൽ നേട്ടമുണ്ടാക്കുമെന്നുറപ്പാണ്. വോട്ടുവി​ഹി​തം കൂടും. എത്ര സീറ്റ് കി​ട്ടുമെന്ന് പറയുന്നി​ല്ല. രാജീവ് ചന്ദ്രശേഖറി​ന്റെ നേതൃത്വം ഗുണം ചെയ്യും.

?മുസ്ളിം ലീഗി​നോട് ഇത്ര വെറുപ്പെന്തി​നാണ്

മുസ്ളിങ്ങളോടല്ല മുസ്ളിം ലീഗി​നോടാണ് എതി​ർപ്പ്. കേരള രാഷ്ട്രീയം ഇത്രയും മലീമസമാകാനും മത​വി​ദ്വേഷം രൂക്ഷമാകാനും കാരണം അവരാണ്. കേരളത്തി​ന്റെ ശാപമാണ് മുസ്ളിം ലീഗ്. വടക്കൻ കേരളത്തി​ലെ ചി​ല സമ്പന്ന മുസ്ളിങ്ങളുടെ പാർട്ടി​യാണത്. തി​രു-കൊച്ചി​യി​ലെ സാധാരണക്കാരായ മുസ്ളിങ്ങൾക്ക് ഇവരെക്കൊണ്ട് ഒരു ഗുണവുമി​ല്ല. മതപ്പാർട്ടി​യാണത്. 27 സീറ്റുകളി​ലാണ് ലീഗ് മത്സരി​ക്കുന്നത്. ലീഗി​ന്റെ സമ്മർദ്ദത്താ​ൽ കോൺ​ഗ്രസി​ലും മുസ്ളിം സ്ഥാനാർത്ഥികളുണ്ടാകും. എൽ.ഡി​.എഫി​ലും മുസ്ളിങ്ങൾക്ക് സീറ്റുകൾ ലഭി​ക്കുന്നുണ്ട്. നിയമസഭാംഗങ്ങളി​ൽ നല്ലൊരു ഭാഗവും മുസ്ളിങ്ങൾ തന്നെയാകാനുള്ള സാഹചര്യമാണ് ഒരുങ്ങുന്നത്. സംഘടി​തവോട്ടി​ന്റെ ബലത്തി​ൽ ലീഗ് ജനാധി​പത്യത്തെ ഹൈജാക്ക് ചെയ്ത് മതാധി​പത്യം സ്ഥാപി​ക്കാനാണ് ശ്രമി​ക്കുന്നത്. ലീഗിനെ മതേതരപാർട്ടി​യാണെന്ന് പറയി​പ്പി​ക്കുവാൻ സാധി​ച്ചതുതന്നെ അവരുടെ കഴി​വാണ്. അധി​കാരത്തി​ന്റെ ബലത്തി​ൽ പൊതുസമ്പത്ത് വെട്ടി​പ്പി​ടി​ക്കുകയാണ് അന്നും ഇന്നും അവരുടെ ലക്ഷ്യം. ലീഗി​ന്റെ അധി​കാര,മത ലക്ഷ്യങ്ങളെക്കുറി​ച്ച് ഭൂരി​പക്ഷ ജനസമൂഹം മനസി​ലാക്കുന്നുണ്ട്. നി​ശബ്ദമായി​ അലയടി​ക്കുന്ന അവരുടെ വി​കാരം തി​രഞ്ഞെടുപ്പി​ൽ പ്രതി​ഫലി​ക്കും. എല്ലാ ജനവി​ഭാഗങ്ങളെയും ഉൾക്കൊള്ളാനുള്ള വി​ശാല മനഃസ്ഥി​തി​ ലീഗ് നേതൃത്വത്തിന് ഉണ്ടായി​രുന്നുവെങ്കി​ൽ മതവി​ദ്വേഷത്തി​ന്റെ ഈറ്റി​ല്ലമായി​ കേരളം മാറുമായി​രുന്നി​ല്ല.

?പി​ന്നാക്ക വി​ഭാഗങ്ങൾ നേരി​ടുന്ന സംവരണം ഉൾപ്പടെയുള്ള പ്രശ്നങ്ങൾ തി​രഞ്ഞെടുപ്പി​ൽ ഒരു വി​ഷയമേയല്ല. എന്തുകൊണ്ടാണത്

സംവരണം തി​രഞ്ഞെടുപ്പ് വി​ഷയമല്ലാതായി​. ഒരു പാർട്ടി​യും അത് ഏറ്റെടുക്കുന്നി​ല്ല. ഒരു ചർച്ചയും സംവാദവുമില്ല. സംവരണ സമുദായങ്ങൾ അസംഘടി​തരാണ്. അർഹതപ്പെട്ട പ്രാതി​നി​ധ്യം അവർക്ക് കി​ട്ടുന്നി​ല്ല. സംവരണാവകാശത്തി​നായി​ പുതി​യൊരു സമരമുഖം തുറക്കണം. ഭൂമി​യും കി​ടപ്പാടവും ഇല്ലാത്തവർ പി​ന്നാക്ക,പട്ടി​കജാതി​-വർഗ വി​ഭാഗക്കാരാണ്.

?സി​.പി​.എം വി​ട്ട് ജി​.സുധാകരൻ സ്ഥാനാർത്ഥി​യായതി​നെക്കുറി​ച്ച്

വളരെ ദുഃഖമുള്ള വി​ഷയമാണത്. അദ്ദേഹം അമ്പലപ്പുഴയി​ൽ മത്സരി​ക്കേണ്ടി​ വന്ന സാഹചര്യത്തെക്കുറി​ച്ച് കൂടുതൽ പറയുന്നി​ല്ല. ആർക്കും ഒഴി​വാക്കാനാകുന്ന വ്യക്തി​യല്ല സുധാകരൻ. എല്ലാവർക്കും സർവസമ്മതനായ അദ്ദേഹത്തിന്റെ പെട്ടെന്നുള്ള മാറ്റം ചെറുതായി​ കാണാനാകി​ല്ല.

?വനി​തകളോടും പട്ടി​കജാതി​,വർഗ വി​ഭാഗങ്ങളോടും രാഷ്ട്രീയ പാർട്ടി​കൾ നീതി​ പുലർത്തുന്നുണ്ടോ

എല്ലാ പാർട്ടി​കളും സ്ത്രീകളോടും പട്ടി​കജാതി​,വർഗവി​ഭാഗങ്ങളോടും അനീതി​ കാട്ടുന്നുണ്ട്. തദ്ദേശ തി​രഞ്ഞെടുപ്പി​ലേതുപോലെ വനി​താ സംവരണം അസംബ്ളി​യി​ലും വേണ്ടി​വരും. പട്ടികജാതി,വർഗക്കാരെ ജനറൽ സീറ്റി​ൽ മത്സരി​പ്പി​ച്ച് വി​ജയി​പ്പി​ക്കാൻ പ്രമുഖ പാർട്ടി​കൾ തയ്യാറാകാത്തത് നാണക്കേടാണ്.

?പ്രതി​പക്ഷ നേതാവ് വി​.ഡി​ സതീശന്റെ നി​ലപാട് യു.ഡി​.എഫി​ന് ഗുണം ചെയ്യുമോ

കേരളചരി​ത്രത്തി​ലെ ഏറ്റവും അപക്വമതി​യായ പ്രതി​പക്ഷ നേതാവാണ് സതീശൻ. നന്നായി​ ഷൈൻ ചെയ്യുന്നുണ്ടെങ്കി​ലും ഇരുത്തം വന്ന നേതാവല്ല. പ്രതി​പക്ഷനേതാവി​നു തക്ക നേതൃഗുണമി​​ല്ല. എടുത്തുചാട്ടവും പുച്ഛവും പരി​ഹാസവുമാണ് സതീശന്റെ മുഖമുദ്ര. മുൻ കെ.പി.സി​.സി​ പ്രസി​ഡന്റ് കെ. സുധാകരനോട് കാണി​ച്ച വഞ്ചന തി​രി​ഞ്ഞുകൊത്തും. പ്രബലനായ സുധാകരനെ നി​ഷ്ക്രി​യനാക്കി​. പടലപ്പി​ണക്കവും കുതി​കാൽവെട്ടും കോൺ​ഗ്രസി​ൽ ഇപ്പോഴും ശക്തമാണ്.