തൊണ്ടിമുതൽ കേസ്: ആന്റണി രാജു സുപ്രീംകോടതിയിൽ

ന്യൂഡൽഹി: തൊണ്ടിമുതൽ കേസിലെ ശിക്ഷ മരവിപ്പിക്കണമെന്ന് ആവശ്യപ്പെട്ട് മുൻമന്ത്രി ആന്റണി രാജു സുപ്രീംകോടതിയെ സമീപിച്ചു. നെടുമങ്ങാട് മജിസ്ട്രേട്ട് കോടതി വിധിച്ച 3 വർഷം തടവുശിക്ഷ സ്റ്റേ ചെയ്യാൻ ഹൈക്കോടതി തയ്യാറായിരുന്നില്ല. തുടർന്നാണ് ആന്റണി രാജു പരമോന്നത കോടതിയിൽ ഹർജി നൽകിയത്. ലഹരിക്കേസിൽ ഓസ്ട്രേലിയൻ സ്വദേശിയെ രക്ഷിക്കാൻ, കോടതിയിൽ സൂക്ഷിച്ചിരുന്ന തൊണ്ടിമുതലിൽ അഭിഭാഷകനായിരുന്ന കാലത്ത് ആന്റണി രാജു കൃത്രിമം കാണിച്ചെന്നാണ് കേസ്.