48 മണിക്കൂർ പരസ്യ പ്രചാരണം പാടില്ല

കൊല്ലം: വോട്ടെടുപ്പ് അവസാനിക്കുന്ന സമയത്തിന് തൊട്ടുമുമ്പുള്ള 48 മണിക്കൂറിൽ പരസ്യ പ്രചാരണം പാടില്ലെന്ന് ജില്ലാ കളക്ടർ എൻ.ദേവിദാസ് അറിയിച്ചു. പൊതുയോഗങ്ങളോ പ്രകടനങ്ങളോ പാടില്ല. തിരഞ്ഞെടുപ്പ് ഫലത്തെ സ്വാധീനിക്കാൻ സാദ്ധ്യതയുള്ള പ്രവർത്തനങ്ങൾ കുറ്റകരമായി പരിഗണിക്കും. ഏപ്രിൽ ഏഴ് വൈകിട്ട് ആറ് മുതലാണ് നിശബ്ദപ്രചാരണം. ഈ കാലയളവിൽ ടെലിവിഷൻ, സിനിമ, ഇലക്ട്രോണിക് മാദ്ധ്യമങ്ങൾ, സമൂഹ മാദ്ധ്യമങ്ങൾ വഴി തിരഞ്ഞെടുപ്പ് സംബന്ധമായ കാര്യങ്ങൾ പ്രദർശിപ്പിക്കുന്നത് നിരോധിച്ചു. ലംഘിക്കുന്നവർക്ക് രണ്ടുവർഷം വരെ തടവോ പിഴയോ അല്ലെങ്കിൽ രണ്ടും കൂടിയോ ശിക്ഷയായി ലഭിക്കാം.