ലോട്ടറി മേഖലയെ തകർത്തു

കൊല്ലം: എൽ.ഡി.എഫ് സർക്കാർ കേരള ലോട്ടറിയെ തകർത്തെന്ന് കേരള ലോട്ടറി ഏജൻസ് ആൻഡ് സെല്ലേഴ്സ് കോൺഗ്രസ് (ഐ.എൻ.ടി.യു.സി) ജില്ലാ കമ്മിറ്റി ആരോപിച്ചു. അച്യുതാനന്ദൻ സർക്കാരിന്റെ കാലത്ത് സാന്റിയാഗോ മാർട്ടിന്റെ മാഫിയ സംഘത്തിന് തീറെഴുതിയ കേരള ലോട്ടറിയെ സ്വർണ്ണത്തി​ളക്കം ഉള്ളതാക്കി മാറ്റിയത് ഉമ്മൻചാണ്ടി സർക്കാരായിരുന്നുവെന്ന് യോഗം അഭി​പ്രായപ്പെട്ടു. ജില്ലാ പ്രസിഡന്റ് ഒ.ബി. രാജേഷ് അദ്ധ്യക്ഷനായി. സംസ്ഥാന വൈസ് പ്രസിഡന്റുമാരായ ചവറ ഹരീഷ്, വിളയത്ത് രാധാകൃഷ്ണൻ, ജില്ലാ ജനറൽ സെക്രട്ടറി എച്ച്.താജുദ്ദീൻ പള്ളിമുക്ക്, എസ്.ശിഹാബുദ്ദൻ, എസ്.സലാഹുദ്ദീൻ, തൊളിക്കൽ സുനിൽ തുടങ്ങിയവർ സംസാരിച്ചു.