വോട്ടർ​മാരെ അഭിനന്ദി​ച്ചു

പത്തനംതി​ട്ട : എൽ.ഡി.എഫ് മികച്ച വിജയം നേടു​മെന്ന് സി.പി.എം ജില്ലാ സെക്രട്ടറി രാജു ഏബ്രഹാം പറഞ്ഞു. നിലവിൽ അഞ്ച് മണ്ഡലങ്ങളും എൽഡിഎഫിനാണ്. അത് വൻ ഭൂരിപക്ഷത്തോടെ നിലനിറുത്തും. നുണക്കഥകൾ മാത്ര​മാണ് യു ഡി എഫ് പ്രചാരണ ആയുധമാക്കിയത്. ഭാവി കേരളവും പുതിയതലമുറയുടെ പ്രതീക്ഷയു​മാണ് എൽ ഡി എഫ് ചർച്ച ചെയ്തത്. പണംകൊടുത്ത് വോട്ടുവാങ്ങാനും പണക്കൊഴുപ്പിന്റെ പ്രചാരണത്തിനും യുഡിഎഫും ബിജെപിയും മത്സരിക്കുകയായിരുന്നു. എൽ ഡി എഫ് വിജയത്തിനായി അഹോരാത്രം അദ്ധ്വാനിച്ച മുഴുവൻ പ്രവർത്തകരെയും അഭിനന്ദിക്കുന്നതായും രാജു ഏബ്രഹാം പറഞ്ഞു.