അഗ്നിശമന സേന ദിനാചരണം

മുക്കം: മുക്കം അഗ്നിരക്ഷാ സേനയുടെ ആഭിമുഖ്യത്തിൽ ദേശീയ അഗ്നിശമന സേന ദിനാചരണം സംഘടിപ്പിച്ചു. ഫയർ സ്റ്റേഷൻ പരിസരത്ത് സ്റ്റേഷൻ ഓഫീസർ എം. അബ്ദുൽ ഗഫൂർ പതാക ഉയർത്തി. തുടർന്ന് അഗ്നിശമന സേനാംഗങ്ങളും ഹോം ഗാർഡുകളും സിവിൽ ഡിഫൻസ്, ആപ്താ മിത്ര വളണ്ടിയർമാരും ചേർന്ന് വിവിധ അഗ്നിശമന വാഹനങ്ങളുമായി ദിനാചരണ റാലി സംഘടിപ്പിച്ചു. മുക്കം ബസ്സ് സ്റ്റാന്റിൽ പൊതുജനങ്ങൾക്കായി ബോധവത്കരണ ക്ലാസ് സംഘടിപ്പിക്കുകയും സുരക്ഷാ ലഘുലേഖ വിതരണം നടത്തുകയും ചെയ്തു. ദിനാചരണ പരിപാടികൾക്ക് എം. അബ്ദുൽ ഗഫൂർ, എൻ. ജയകിഷ്, സി. മനോജ്‌, പ്രിൻസ് മാത്യു എന്നിവർ നേതൃത്വം നൽകി.