ഹജ്ജ് പരിശീലന ക്ലാസുകൾക്ക്  തുടക്കം

കുന്ദമംഗലം: ഈ വർഷത്തെ ഹജ്ജ് കർമ്മത്തിന് സംസ്ഥാന ഹജ്ജ് കമ്മിറ്റിയുടെ കീഴിൽ യാത്ര പുറപ്പെടുന്ന ഹജ്ജ് തീർത്ഥാടകർക്കുള്ള മൂന്നാംഘട്ട സാങ്കേതിക പരിശീലന ക്ലാസുകൾക്ക് കോഴിക്കോട് ജില്ലയിൽ തുടക്കമായി. ജില്ലാതല ഉദ്ഘാടനം കുന്ദമംഗലം ഖസർ ടവർ ഓഡിറ്റോറിയത്തിൽ സംസ്ഥാന ഹജ്ജ് കമ്മിറ്റി ചെയർമാൻ ഡോ: ഹുസൈൻ സഖാഫി ചുള്ളിക്കോട് നിർവഹിച്ചു. ജില്ലാ ഹജ്ജ് ട്രെയിനിംഗ് ഓർഗനൈസർ നൗഫൽ മങ്ങാട് അദ്ധ്യക്ഷത വഹിച്ചു. പി.കെ ബാപ്പു ഹാജി ക്ലാസിന് നേതൃത്വം നൽകി. മയൂരി അബു ഹാജി, ഇ അഹമ്മദ്, യു.പി അബ്ദുൽ ഹമീദ് എന്നിവർ പ്രസംഗിച്ചു. ടി.വി അബ്ദുൽറഹ്‌മാൻ സ്വാഗതവും അബ്ദുൽ ഹക്കീം നന്ദിയും പറഞ്ഞു.