കൊടും ചൂടിൽ വലഞ്ഞ് മലയാളികൾ; പുനലൂരിൽ കെഎസ്ഇബി ലൈൻമാന് സൂര്യാതപമേറ്റു
Saturday 18 April 2026 8:35 AM IST
കൊല്ലം: പുനലൂരിൽ ജോലിക്കിടെ കെഎസ്ഇബി ലൈൻമാന് സൂര്യാതപമേറ്റു. കുണ്ടറ സ്വദേശി പത്മകുമാറിനാണ് സൂര്യാതപമേറ്റത്. കച്ചേരി റോഡിൽ ആശുപത്രി ജംഗ്ഷന് സമീപം വൈദ്യുതി ലൈൻ പരിശോധിക്കുന്നതിനിടെയാണ് ശരീരത്തിലും കൈയിലും സൂര്യാതപമേറ്റത്. ഉടൻതന്നെ സഹപ്രവർത്തകർ താലൂക്ക് ആശുപത്രിയിൽ എത്തിച്ച് പ്രാഥമിക ശുശ്രൂഷ നൽകി.
സംസ്ഥാനത്ത് ഏറ്റവും കൂടുതൽ ചൂട് അനുഭവപ്പെടുന്ന നഗരങ്ങളിലൊന്നാണ് പുനലൂർ. കെഎസ്ഇബി പുനലൂർ സബ് ഡിവിഷന്റെ പരിധിയിൽ മാത്രം 20ലധികം ലൈൻമാൻമാരാണ് ജോലി നോക്കുന്നത്. ഇവരുടെ സുരക്ഷയുടെ ഭാഗമായി ഉച്ചയ്ക്ക് 12നും മൂന്നിനും മദ്ധ്യേ ഫീൽഡിൽ ജോലിക്കുപോകേണ്ട എന്ന നിർദ്ദേശമാണ് നൽകിയിരിക്കുന്നത്.